بڕیاری دروستكردنی هەژماری بانكی بۆ فەرمانبەران كەوتە بواری جێبەجێكردنەوە

0
414

SNN-عەلی حەمە سەعید

وەك یەكەم وەزارەت لە دوای بڕیارەكەی وەزارەتی دارایی بۆ دروستكردنی هەژماری بانكی بۆ مووچەخۆران، وەزارەتی پەروەردە بڕیاریدا بە دروستكردنی هەژماری بانكی بۆ مامۆستایان و بەڕێوەبەری گشتی پەروەردەی هەڵەبجەش دەڵێت مامۆستایان لە ڕۆژی یەك شەممەی داهاتووەوە دەتوانن سەردانی بانكی هەڵەبجە بكەن بەمەبەستی دروستكردنی هەژماری بانكی بۆیان.

سۆران عومەر، بەڕێوەبەری گشتی پەروەردەی هەڵەبجە بە SNNی ڕاگەیاند: دوای ئەوەی وەزارەتی دارایی بە فەرمانێك داوای لە سەرجەم وەزارەتەكان و دامودەزگا حكومییەكان كرد بۆ ئەوەی هەماهەنگی لەگەڵ بانکەكانی سنوورەكانیاندا بكەن بۆ دروستكردنی هەژماری بانكی بۆ فەرمانبەران بەمەبەستی وەرگرتنی مووچەی مانگانەیان، ئێمەش لەگەڵ بانکی هەڵەبجە كۆبووینەوە و بڕیارماندا كە ڕۆی یەكشەممە 6/12/2020 مامۆستایان سەردانی بانک بكەن بەمەبەستی دروستكردنی هەژماری بانکی بۆیان.

ئاماژەی بەوەشكرد، ئەم بڕیارە تەنها بۆ وەزراەتی پەروەردە یاخود مامۆستایان نییە، بەڵكوو بڕیارەكەی وەزارەتی دارایی بۆ سەرجەم وەزارەت و فەرمانبەرانی هەرێمە بۆ ئەوەی لەمەودوا و دوای دروستكردنی ئەو هەژمارە بانکی مووچەكانیان بچێتە سەر ژمارە حسابییەك، بۆ ئەو مەبەستەش هەر مامۆستایەك ڕۆژی یەكشەممە سەردانی بانکی هەڵەبجە دەكات دەبێت ناسنامەی باری شارستانی و چەند بەڵگەنامەیەكی دیكەی فەرمی پێبێت.

پێشتریش زیاد جەبار، سەرۆكی لینەی دارایی لە پەرلەمانی هەرێمی كوردستان ئەوەی بە SNNڕاگەیاند: بوو كە بۆ دروستكردنی هەژماری بانکی بۆ فرمانبەران، بڕی 12 هەزار دینارلە فەرمانبەران وەردەگیرێت و دەفتەر چەكێكیان بۆ دروستدەكرێت كە دەتواندرێت بۆ ماوەی ساڵێك مووچەی پێوەر بگرن.

بەشی بکە لە
Previous Next
Close
Test Caption
Test Description goes like this