لیژنەی باڵای ئارامیی پارێزگای سلێمانیی راگه‌یه‌نراوێكى بڵاوكرده‌وه‌

0
286

SNN
ئه‌مڕۆ پێنجشه‌ممه‌ لیژنەی باڵای ئارامیی پارێزگای سلێمانیی راگه‌یه‌نراوێكى بڵاوكرده‌وه‌ و رایگه‌یاند: هەر کۆبوونەوە و گردبوونەوەیەک بەبێ رەزامەندی پێشوەختەی لیژنەی باڵای ئارامیی رێگەپێدراو نییه‌.

له‌ راگه‌یه‌نراوه‌كه‌ كه‌‌ كه‌مێك له‌مه‌وبه‌ر بڵاوكراوه‌ته‌وه‌ هاتووه‌، “هەر کۆبوونەوە و گردبوونەوەیەک بەبێ رەزامەندی پێشوەختەی لیژنەی باڵای ئارامیی رێگەپێدراو نییە، شێواندنی ئارامی شار و راگرتنی جوڵەی بازاڕ لەم قەیرانە ئابورییە قوڵەدا لە بەرژەوەندییی توێژەكانی كۆمەڵگادا نییە”.

ده‌قى راگه‌یه‌نراوه‌كه‌
‎ڕاگەیاندراوێک له لیژنەی باڵای ئارامیی پارێزگای سلێمانییەوە
1. هەر کۆبوونەوەو گردبوونەوەیەک بەبێ ڕەزامەندی پێشوەختەی لیژنەی باڵای ئارامیی ڕێگەپێدراو نییەو، شێواندنی ئارامی شار و ڕاگرتنی جوڵەی بازاڕ لەم قەیرانە ئابورییە قوڵەدا لە بەرژەوەندییی توێژەكانی كۆمەڵگادا نییە.
2. خۆپیشاندانی مەدەنییانەو ئاشتیانە بۆ دەربڕینی ناڕەزایی و داواکارییە ڕەواکان لە چواچێوەی یاسادا؛ یەکێکە لە مافە ڕەواکانی خەڵک و پارێزگاریی لێدەکەین.
3. پێویستە كەناڵەكانی ڕاگەیاندن لە چوارچێوەی یاسا ڕێگاپێدراوەكاندا ڕوماڵی ڕوداوەكان بكەن و ئیتیكی ڕۆژنامەوانیی لەبەرچاو بگرن.
4. پێویستە هەموو هێزەکان ئارامیی و ئاسایش بپارێزن و خۆیان لە هەر ڕوبەڕوبونەوەو توندوتیژییەک بەدوربگرن.

بڵاوكردنه‌وه‌ى ئه‌م به‌یاننامه‌یه‌ له‌كاتێكدایه‌ كه‌ به‌یانى ئه‌مڕۆ هێزه‌ ئه‌منییه‌كان و خۆپیشانده‌ران له‌ شارى سلێمانى پێكدادان له‌نێوانیاندا روویدا، هێزه‌ ئه‌منییه‌كان غازى فرمێسكڕژ و ئاویان به‌كارهێنا بۆ بڵاوه‌پێكردنى خۆپیشانده‌ران.

بەشی بکە لە
Previous Next
Close
Test Caption
Test Description goes like this