وێنە:تازه‌پێگه‌یشتووانی خاك یه‌كه‌م سێ خاڵیان له‌ خولی نایابی كوردستان  به‌ده‌ستهێنا

0
206
دیمەنێک لە یاریەکە

حسێن كه‌ركوكی-SNN Sport

ئێواره‌ی ئه‌مڕۆ هه‌ینی ( 4/12/2020 )له‌ ده‌ستپێكی  یارییه‌كانی خولی نایابی تازه‌پێگه‌یشتووانی یانه‌كانی كوردستان ، له‌ شاری كه‌ركوك و له‌ سه‌ر یاریگای خۆی،  تیپی تازه‌پێگه‌یشتووانی  یانه‌ی خاك میوانداری  تازه‌پێگه‌یشتووانی یانه‌ی ده‌ربه‌ندیخان كردوو یاریه‌كه‌ش به‌ بردنه‌وه‌ی خاوه‌ن یاریگا به‌دوو گۆڵ به‌رامبه‌ر به‌گۆڵێك ته‌واو بوو.

له‌ گێمی یه‌كه‌مدا و هه‌ر له‌ سه‌ره‌تاوه‌ و له‌ خوله‌كی 4ی یاریه‌كه‌ به‌ لێدانێكی راسته‌خۆی یاریزان ( ئاراس شۆرش ) یانه‌ی ده‌ربه‌ندیخان  یه‌كه‌م گۆڵی خۆی تۆماركرد ، پاش ئه‌م گۆڵه‌ ، یاریزانانی یانه‌ی خاك ریزه‌كانیان رێكخسته‌وه‌ و كۆنترۆڵی یاریه‌كه‌یان كرد، له‌ خوله‌كی (38) یاریزان ( عه‌بدولرەحمان محه‌مه‌د ) ئه‌نجامه‌كه‌ی بۆ یانه‌ی خاك یه‌كسانكرده‌وه‌ و گێمی یه‌كه‌م به‌ یه‌كسانبوونی هه‌ردوو تیپ به‌ گۆڵێك ته‌واو بوو.

له‌ گێمی دووه‌مدا یاریزانانی خاك باشتر ده‌ركه‌وتن و چه‌ند هێرشێکیان بۆ سه‌ر گۆڵی یانه‌ی ده‌ربه‌ندیخان ئه‌نجامدا ، تا له‌ خوله‌كی (80 )ی یاریه‌كه‌ عه‌بدولڕەحمان محه‌مه‌د گۆڵی دووه‌می خۆی و یانه‌ی خاكی تۆمار كردوو یاریه‌كه‌ش به‌ بردنه‌وه‌ی  تازه‌پێگه‌یشتووانی خاك  به‌ دوو گۆڵ به‌رامبه‌ر به‌گۆلێك ته‌وواو بوو.

له‌ دوای یاریه‌كه‌ سه‌باره‌ت ئاستی تیپه‌كه‌ی و ئه‌نجامی یاریه‌كه‌ ، شاخه‌وان مباره‌ك راهێنه‌ری  تازه‌پێگه‌یشتووانی یانه‌ی ده‌ربه‌ندیخان وتی:” وه‌ك ئاست له‌ یاریزانه‌كانم رازییم و ركابه‌رێكی باش بووین ، به‌ تایبه‌تی یانه‌ی خاك كه‌ ماوه‌یه‌كی زۆره‌ ئاماده‌كاری ده‌كه‌ن”.

 

وتیشی:”  بێگومان یه‌كه‌م یاری و له‌ ده‌ره‌وه‌ی یاریگای خۆت یاری بكه‌یت ، كاریگه‌ری هه‌بووه‌”.

دلێر عومه‌ر راهێنه‌ری تازه‌پێگه‌یشتووانی یانه‌ی خاك وتی:” توانیمان سێ خاڵی  یاری ده‌ستپێك به‌ده‌ست بهێنن و تا راده‌یه‌كی زۆر كۆنترۆڵی یاریگامان كردبوو،ده‌ستخۆشی له‌ تیپی به‌رامبه‌ر ده‌كه‌م كه‌ ئاستێكی باشیان پێشكه‌ش كردوو ركاربه‌رمان بوون له‌ یارییه‌كه‌دا”.

 

بەشی بکە لە
Previous Next
Close
Test Caption
Test Description goes like this