پیۆلی دوو یانەی پاڵێوراو بۆ بردنەوەی نازناوی ئەم وەرزەی کالچیۆ دیاری دەکات

0
367
ستیفانۆ پیۆلی

SNN Sport

ستیفانۆ پیۆلی راهێنەری یانەی ئەیسی میلانی ئیتاڵی، پاش بردنەوەی یانەکەی 2-1 لە یانەی سامپدۆریا لە هەفتەی دەیەمی خولی ئیتاڵی، ستایشی یاریزانەکانی کردوو دوو یانەی دیاری کرد کە پاڵێوراون بۆ بردنەوەی نازنای ئەم وەرزە و هێشتا یانەکەی بە پاڵێوراوی سەرەکی نازانێت.

پیۆلی دوای بردنەوەکە وتی:” بە یاریزانەکانم وت ئێمە تیمێکی راستەقینەین،ئەمە گروپێکە سوود لە هەموو بارودۆخێک وەردەگرێت، ئەمە یەکەمجارە ئیبراهیمۆڤیچ و کیار و بن ناسر یاری ناکەن،بەڵام بەشێكی تر لە یاریزانەکان ئەم دەرفەتەیان قۆستەوە بۆ ئەوەی خۆیان بسەلمێنن و توانای بەردەوابوونیان هەیە لە تیمەکە، ئەمەش بەو مانایە دێت ئێمە جۆش و وزەی خۆمان هەیە بۆ ئەوەی رووبەڕووی هەموو ئاڵناگرییەک ببینەوە”.

وتیشی:” من سەرسامم بە ئەم یاریزانانە کە تێکڕای تەمەنیان 22 ساڵ و 10 مانگ بوو دژی سامپدۆریا، هێشتا سەرسامم بە پێگەیشتنی  ئەو یاریزانانە، کاتێک ئەنجامەکان خراپ بوون پێکەوە بوونمان لە دەست نەدا”.

لە کۆتایدا وتی:” چۆن یانەی یۆڤانتۆس بۆ بردنەوەی نازناوەکە کاندید نیە، یان ئینتەرمیلان نەتوانێت نازناوەکە بباتەوە کە گرێبەستی وەکوو حەکیمی و ڤیدالی کردووە،ئێمە دەبێت بەردەوام گەشە بکەین”.

 

بەشی بکە لە
Previous Next
Close
Test Caption
Test Description goes like this