بەهۆی بۆردومانی تورکیاوە کارەبای چەند گوندێکی دهۆک پچڕاوە

0
109

SNN

شەوی رابردوو فڕۆکەکانی تورکیا بۆردومانی ناوچەیەکی نزیک لە گوندی بانکا سەروو، سەر بە قەزای زاخۆیان کردووە، بەهۆیەوە کارەبای چەند گوندێکی ناوچەکە پچڕاوە.

دڵشێر عەبدولستار، بەڕێوەبەری ناحیەی باتیفا، رایگەیاندووە، بەهۆی بۆردومانەکەوە کارەبای گوندەکانی بانکا سەروو، لەگەل بانکا خواروو پچڕاوە بەڵام بۆردومانەکە هیچ زیانێکی گیانی بۆ هاووڵاتییان نەبووە، بەڵام زیانی بە خانوویەکی گوندی بانکا سەروو گەیاندووە.

بە گوێرەی زانیارییەکانی SNN، فڕۆکەکانی تورکیا بۆردومانی ئۆرۆمبێلێکی پەکەکەیان کردووە کە نزیکبووە لە گوندی بانکا سەروو.

ئەمە لەکاتێکدایە دوو هەفتە لەمەوبەر بەهۆی بۆردومانێکی دیکەی فڕۆکەکانی تورکیاوە، کارەبای ئەو دوو گوندە پچڕابوو، دواتر چاککرا.

فڕۆکەکانی تورکیا بە بیانووی بوونی گەریلاکانی پەکەکە، بەردەوامن لە بۆردومانەکانیان کە زیانی گیانی و ماددی بە هاووڵاتی مەدەنی دەگەیەنێت.

بەشی بکە لە
Previous Next
Close
Test Caption
Test Description goes like this