وه‌زیرى ناوخۆى عێراق زنجیره‌یه‌ك كۆبوونه‌وه‌ى نهێنى له‌ دیاله‌ ئه‌نجامدا

0
147
عوسمان غانمى، وه‌زیرى ناوخۆى عێراق

SNN

ئه‌مڕۆ دووشه‌ممه‌ وه‌زیرى ناوخۆى عێراق به‌ سه‌ردانێكى چاوه‌ڕواننه‌كراو گه‌یشته‌ پارێزگاى دیاله‌ و دوور له‌ چاوى میدیاكان زنجیره‌یه‌ك كۆبوونه‌وه‌ى له‌گه‌ڵ به‌رپرسانى ئه‌منى ناوچه‌كه‌ ئه‌نجامدا.

به‌پێى زانیارییه‌كان كه‌ له‌ میدیا عێراقى-یه‌كان بڵاوكراونه‌ته‌وه‌، “عوسمان غانمى، وه‌زیرى ناوخۆى عێراق ئه‌مڕۆ سه‌ردانى پارێزگاى دیاله‌ى كردووه‌، زنجیره‌یه‌ك كۆبوونه‌وه‌ى یه‌ك له‌دواى یه‌كى له‌گه‌ڵ به‌رپرسانى ئه‌منى ئه‌و پارێزگایه‌ له‌ بنكه‌ى پۆلیسى دیاله‌ ئه‌نجامداوه‌ به‌ مه‌به‌ستى تاوتوێكردنى دۆخى ئه‌منى ناوچه‌كه‌”.

ئه‌وه‌شیان خستووه‌ته‌ڕوو: “كۆبوونه‌وه‌كان به‌شێوه‌ی زنجیره‌ و به‌جیا له‌گه‌ڵ لایه‌نه‌كان و هێزه‌ ئه‌منییه‌كان ئه‌نجامدراوه‌، دوور له‌ چاوى میدیاكان”.

سه‌ردانه‌كه‌ى وه‌زیرى ناوخۆى عێراق بۆ پارێزگاى دیاله‌ له‌كاتێكدایه‌ كه داعش ماوه‌یه‌كى زۆره‌ له‌ عێراق به‌گشتى و له‌ پارێزگاى دیاله‌ به‌تایبه‌تى چالاكبووه‌ته‌وه‌ و چالاكى ئه‌نجامده‌دات، له‌ نوێترین رووداویدا دوێنێ شه‌و ئه‌و گروپه‌ له‌نزیك گوندى مه‌نسورى ناوچه‌ى حه‌فته‌غار له‌ سنوورى داقوق بومبێكيان ته‌قاندووەتەوە به‌ئۆتۆمبێلى فه‌رمانده‌ى فه‌وجى یه‌كى لیوا‌ى 34ى سوپاى عێراق له‌ ئه‌نجامدا شۆفێره‌كه‌ى به‌ سه‌ختى بریندار بووه‌.

بەشی بکە لە
Previous Next
Close
Test Caption
Test Description goes like this