بەریتانیا پرۆسەی پێدانی پێکوتەی کۆرۆنای دەستپێکرد

0
109

SNN

سەر لەبەیانی ئەمڕۆ سێشەممە لە تەواوی بەریتانیا پرۆسەی پێدانی پێکوتەی کۆرۆنا دەستیپێکرد و وەزیری تەندروستی ئەو وڵاتەش دەڵێت: “لەگەڵ هاتنی وەرزی بەهار هەموو ئەو کەسانە دەکوترێن کە زۆرترین ئەگەری تووشبوونیان هەیە بە ڤایرۆسەکە”.

بەریتانیا ڤاکسینەکەی کۆمپانیای ڤایزەر بەکاردەهێنێت و یەکەم گرتەی لێدانی پێکوتەکە بڵاو کرایەوە بەشێوەیەکی راستەوخۆ کە لە خانمێکی 90 ساڵ دراوە.

چاوەڕێدەکرێت ئەمڕۆ 800 هەزار پێکوتە لە هاووڵاتیانی بەریتانیا بدرێت، کە لە ساردکەرەوەی زۆر هەستیاردا دانراوە و مات هانکوک وەزیری تەندروستیی بەریتانیا بە “رۆژی سەرکەوتن ناوی برد کە وەک سەرکەوتنەکانی رۆژانی جەنگی جیهانی وایە”.

لە هەریەک لە بەریتانیا و وێڵز و ئێرلەندای باکوور و سکۆتلەندا پرۆسەکە دەستیپێکردووە و کەسانی سەروو 80 ساڵ و ستافی تەندروستی ڤاکسینەکە وەردەگرن و شاژنە ئیلیزابیس-یش دووەم کەس دەبێت کە پێکوتەکەی لێدەدرێت.

ڤاکسینەکەش کۆمپانیای فایزەر و بایۆنتێک دروستیانکردووە لە ئێستادا 800 هەزار ژەم لەو ڤاکسینە لە دەست حکومەتی بەریتانیایە، بەڵام لە بنەڕەتدا داوای 40 ملیۆن ژەمی کردووە کە بڕیارە تاوەکو نیسانی 2021 سەرجەمیان بگەن.

بەشی بکە لە
Previous Next
Close
Test Caption
Test Description goes like this