حکومەتی عێراق بەنیازە نرخی دۆلار بۆ 130 هەزار دینار بەرز بکاتەوە

SNN

ئەندامێکی ئەنجوومەنی نوێنەرانی عێراق رایدەگەیەنێت “ئاراستەیەک هەیە حکومەتی بەغدا نرخی دۆلار لە بازاڕەکانی عێراق بەرز بکاتەوە”.

جەمال کۆچەر ئەندامی لیژنەی دارایی پەرلەمانی عێراق وتی: “پێمانوایە حکومەتی عێراق دەیەوێت نرخی 100 دۆلار بۆ 130 هەزار دینار بەرز بکاتەوە”.

راشیگەیاند “ئەم هەنگاوە کاریگەریی لەسەر هاووڵاتی و مووچەخۆر هەیە، چونکە کاتێک دەیەوێت پارەکەی بگۆڕێتەوە بۆ دۆلار، زیانی دارایی دەکات”.

کۆچەر ئاماژە بۆ ئەوەشدەکات کە بەغدا بۆیە ئەم هەنگاوە دەنێت، چونکە دەیەوێت لە پرۆژەیاسای بودجەی ساڵی 2021 دا بڕی کورتهێنان کەمبکاتەوە.