شانه‌ى راگه‌یاندنى ئه‌منى عێراق هه‌ڵاتنى زیندانیان له‌ هه‌رێم ره‌تده‌كاته‌وه‌

0
299

SNN
ئه‌مڕۆ چوارشه‌ممه‌ شانه‌ى راگه‌یاندنى ئه‌منى عێراق رایگه‌یاند: دروستبوونى پشێوى و هه‌ڵاتنى زیندانیان له‌ زیندانه‌كانى هه‌رێمى كوردستان ره‌تده‌كه‌ینه‌وه‌.

له‌ راگه‌یه‌نراوه‌كه‌ى شانه‌ى راگه‌یاندنى ئه‌منى عێراقدا كه‌ كه‌مێك له‌مه‌وبه‌ر بڵاوكراوه‌ته‌وه‌ هاتووه‌، “له‌ تۆڕه‌ كۆمه‌ڵایه‌تییه‌كان ڤیدیۆیه‌ك بڵاوبووه‌ته‌وه‌ كه‌ تێیدا باس له‌ هه‌ڵاتن و دروستبوونى پشێوى له‌ چه‌ند زیندانێكى هه‌رێمى كوردستان ده‌كات، ئه‌م بابه‌ته‌ دووره‌ له‌ راستییه‌وه‌ و به‌هیچ شێوه‌یه‌ك رووداوێكى له‌و شێوه‌یه‌ رووینه‌داوه‌”.

شانه‌ى راگه‌یاندنى ئه‌منى عێراق له‌ راگه‌یه‌نراوه‌كه‌دا ئه‌وه‌شى خستووه‌ته‌ڕوو، “ئه‌و ڤیدیۆیه‌ى بڵاوكراوه‌ته‌وه‌ هیچ بنه‌مایه‌كى راستى نییه‌، ته‌نیا بۆ وروژاندنى راى گشتى و سه‌رلێشێواندن به‌ مه‌به‌ستى تایبه‌تى بڵاوكراوه‌ته‌وه‌”.

به‌یاننامه‌كه‌ى شانه‌ى راگه‌یاندنى ئه‌منى عێراق له‌كاتێكدایه‌ كه‌ به‌ره‌به‌یانى ئه‌مڕۆ له‌ به‌شێك له‌ هه‌ژمار و په‌ڕه‌كانى تۆڕه‌ كۆمه‌ڵایه‌تییه‌كان و میدیاكان ڤیدیۆیه‌ك بڵاوبووه‌ كه‌ تێیدا كه‌سێكى به‌ ره‌چه‌ڵه‌ك عه‌ره‌ب قسه ‌ده‌كات و ئاماژه‌ به‌وه‌ده‌كات، “پشێوى له‌نێو یه‌كێك له‌ زیندانه‌كانى شارى هه‌ولێر دروستبووه‌”.

بەشی بکە لە
Previous Next
Close
Test Caption
Test Description goes like this