رۆناڵدۆ پەیامێک ئاڕاستەی بەرشەلۆنە و میسی دەکات

0
1414
میسی و کریستیانۆ رۆناڵدۆ

SNN Sport

کریستیانۆ رۆناڵدۆی پۆرتوگالی و ئەستێرەی یانەی یۆڤانتۆس، شەوی رابردوو پاش تۆمارکردنی دوو گۆڵ لە یانەی بەرشەلۆنە و بردنەوەی یانەکەی 3-0 لە خولی یانە پاڵەوانەکان، پەیامێکی ئاڕاستەی یانەی بەرشەلۆنە و میسی کرد.

رۆناڵدۆ پاش یاریەکە وتی:”من هەمیشە پەیوەندییەکی دۆستانەم لەگەڵ میسی هەبووە، 13 بۆ 14 ساڵە خەڵاتەکانمان بە هاوبەشی بردووەتەوەو هەرگیز وەکوو رکابەرێک نەمبینیوە،من پەیوەندییەکی باشم لەگەڵ ئەو هەیە و دڵنیام ئەگەر لێی بپرسم ئەویش هەمان وەڵام دەداتەوە”.

لەسەر یانەی بەرشەلۆنە دەڵێت:” ئەوان یانەیەکی گەورەن، لە ئێستادا بە دۆخێکی قورس تێدەپەڕن”.

لەسەر بردنەوەی یاریەکە لە بەرشەلۆنە وتی:” کلیلی بردنەوەکە ئەوەیە ئێمە زۆر بە باشی چوینە یاریەکەوە، دەبوایە سێ گۆڵ بکەین و ئەوەشمان ئەنجامدا بەرامبەر بە یانەیەکی نایابی وەکوو بەرشەلۆنە ئەنجامێکی باشمان ویست،بە لە بەرچاوگرتنی بارودۆخیان ئەوان هەمووکات بەرشەلۆنەن”.

لە کۆتایدا وتی:” هەمووکات نایابە کاتێک دەگەڕێیتەوە بۆ ئیسپانیاو کەتەلۆنیا ،زەحمەتە یاری لە کامپ نۆ بکەیت،لە بەرامبەر یەکێک لە بەهێزترین یانەکان کە لە ژیانمدا رووبەڕوویان بوومەتەوە،ئەمڕۆ ئێمە پاڵەوان بووین،خێزانێکی یەکگرتوو بەهێزین ئەگەر بەمشێوەیە یاری بکەین،هیچ شتێک نیە تا کۆتایی وەرزەکە لێی بترسین”.

بەشی بکە لە
Previous Next
Close
Test Caption
Test Description goes like this