عوسمان سێدەری: هەرێم بە مەرجەکانی بەغدا قایل دەبێت
رۆشتنی شاندی هەرێم بۆ بەغدا
SNN
عوسمان سێده‌رى، ئەندامى پەرلەمانی کوردستان رایگەیاند: رۆیشتی شاندی حکومەتی هەرێمی کوردستان بە سەرۆکایەتی قوباد تاڵەبانی بۆ بەغدا رۆڵ و گرنگی خۆی دەبێت و وادەکات کە هەرێم بە مەرجەکانی بەغدا قیل بێت و رێککەوتن بێتە ئاراوە.
ئەو ئەندامەی پەرلەمانی کوردستان بە “بغداد الیوم”ی راگەیاند: “چوونی شاندی هەرێم بە سەرۆکایەتی جێگرى سەرۆکی حکومەت و وەزیری دارایی لێکتێگەيشتنی تەواو لە نێوان بەغداو هەرێمدا دروست دەکات و وا دەکات کە هەرێم بە مەرجەکانی بەغدا رازیبێت، رۆيشتنی ئەم شاندە بۆ بەغدا و پێشوازی لێکردنیان مانای ئەوەیە کە نیه‌تى باش لە نێوان هەردوو لادا هەیە بۆ گەیشتن بە رێککەوتنی بەغدا و هەرێم، وا پێشبینی دەکرێت شاندی هەرێم لەگەڵ بەغدا یەکێک لە خاڵەکانی بریتیبێت لە، گێڕانەوەی ئەو مووچە فەوتاوانەی کە فەرمانبەرانی هەرێم لە 2020دا وەریان نەگرتووە، لەگەڵ جێگیركردنى مووچەی فەرمانبەران لە بودجەی 2021 ی عێراقدا، بەغداش لەسەر ئەم داوکاریيانەی هەرێم نیه‌تپاکی خۆی نیشانداوە”.
دوێنی چوارشەممە 9ی کانوونی یەکەم، شاندێکی حکومەتی هەرێم بە سەرۆکایەتی قوباد تاڵەبانی، جێگری سەرۆکی حکومەتی هەرێم، به ئه‌ندامیه‌تى ئاوات شێخ جەناب، وەزیری دارایی چه‌ند وه‌زیر و به‌رپرسێكى ترى حكومه‌تى هه‌رێم چوونە بەغدا بۆ چارەسەرکردنی کێشە هەڵپەسێردراوەکانی نێوان هەرێم و ناوه‌ند بە تایبەت مووچە و بودجە.
