“کۆرۆنا تا کۆتایی هاوینی ساڵی داهاتوو کۆنتڕۆڵدەکرێت”

0
103

SNN

دامەزرێنەری کۆمپانیایەکی بەرهەمهێنانی ڤاکسینی کۆرۆنا پێشبینی دەکات لە کۆتایی هاوینی داهاتوودا ڤایرۆسی کۆرۆنا لە جیهاندا کۆنتڕۆڵبکرێت.

ئەمڕۆ یەكشەممە دامەزرێنەری كۆمپانیای دەرمانی “بیۆنتیك”ی ئەڵمانی، كە بە بەشداری لەگەڵ كۆمپانیای “فایزەر”ی ئەمریكی ڤاکسینی كۆرۆنایان بەرهەمهێناوە، لە لێدوانێکیدا بۆ کەناڵی فۆکس نیوز رایگەیاند: كە تا كۆتایی هاوینی داهاتوو، بە تەواوی پەتای كۆرۆنا کۆنتڕۆڵدەکرێت.

ئۆگۆر ساهین وتوویەتی هیواخوازین بە زووترین كات ڤاکسینەکە بخرێتە بازاڕەكانی جیهانەوە و دابەشبکرێت، هیچ نەبێت بۆ ئەوەی قورسایی زۆری ئێستا لەسەر نەخۆشخانەكانی جیهان كەمبێتەوە.

ئاماژەشی بەوەکرد: پێویستمان بەوە هەیە 30٪ی هاووڵاتییانی ئەمریكا ڤاکسینەكە وەربگرن، بۆ ئەوەی یەكەم قۆناغی دەركەوتنی جیاوازییەكە دەربكەوێت.

ناوبراو بەڵێنیدا تا کۆتایی ئەمساڵ بڕی یەک ملیار و 300 ملیۆن ڤاکسین رەوانەی وڵاتان بکات لە ساڵی داهاتووشدا بڕی هەناردەکردنی ڤاکسین زیاددەکرێت.

 

بەشی بکە لە
Previous Next
Close
Test Caption
Test Description goes like this