یانه‌ی قووه جه‌وییه بیر له بڕینی مووچەی لە 25%ی گرێبەست و دوورخستنه‌وه‌ی چه‌ند یاریزانێك ده‌كات
یانەی قووە جەوییەی عێراقی
SNN Sport- حسێن کەرکوکی
ده‌سته‌ی كارگێڕی یانه‌ی قووه جه‌وییەی عێراقی رایگه‌یاند كه لێكوڵێنه‌وه ده‌كات له بڕینی 25 %ی مووچەی گرێبه‌ستی یاریزانه‌كانی تیپەکەی له كۆبوونه‌وه‌ی داهاتوویدا ، پاش زنجیره‌یه‌ك له ئه‌نجامه خراپه‌كان و له ده‌ستدانی خاڵ له دوایین پێنج یاری له خولی نایابی عێراقی.
ده‌سته‌ی كارگێڕی یانه‌كه له به‌یاننامه‌یەكیدا وتی:” پاڵپشتی دارایی و مه‌عنه‌وی و له‌گه‌ڵ تیپه‌كه وه‌ستاوه له سه‌ره‌تایی وه‌رزه‌وه تا ئه‌م چركه‌یه له پێناو پێشكه‌شكردنی ئاستێكی باش بۆ به‌ده‌ستهێنانی نازناوه‌كه ، به‌ڵام ئه‌و هەڵانه‌ی یاریزانان تێیكه‌وتن ، زۆر كه‌وت له سه‌رمان له نێویاندا له ده‌ستدانی یه‌كه‌می ریزبه‌ندیه‌كه ،پاش ئه‌وه‌ی تیپه‌كه تا گه‌ڕی چواره‌م له لوتكه‌ی ریزبه‌ندی بوو”.
هه‌روه‌ها ده‌ستەی كارگێڕیه‌كه وتی:” له‌گه‌ڵ ستافی راهێنان و یاریزانان كۆبوونەوەمان کردووە له پێناو گێڕانه‌وه‌ی سایکۆلۆژیای یاریزانان و هاندانیان له سه‌ر راستكردنه‌وه‌ی هه‌ڵه‌كان ،به‌ڵام بێ سوودبووە ،هه‌روه‌ها چه‌ند بڕیارێك ده‌رده‌چن به دوورخستنه‌وه‌ی هه‌ندێک یاریزان له تیپه‌كه به هۆی نه‌بوونی سوودیان و بێ تواناییان له پێشكه‌شکردنی ئاستیان ، شایسته‌یان ده‌كات شیاویان ده‌كات له ئاماده‌بوون له‌گه‌ڵ ئه‌و یانه دێرینه”.
یانه‌ی قووه جه‌وییه بردنه‌وه‌ی به‌ده‌ست نه‌هێناوه له دوایین یارییه‌كانیان كه له خولی نایابی عێراق ئه‌نجامیداوه.
