وردەكاری شەڕەكەی نێوان هێزێکی پەكەكە و پارتی لە سنووری ئامێدی

0
1116

SNN- بڕیار محەمەد
بەگوێرەی میدیای سەر بە پارتی کرێکارانی کوردستان، ئەمشەو رووبەڕووبوونەوەی چەکداریی لەنێوان هێزێکی پەکەکە و هێزێکی پارتی هەبووە، SNN لە زاری چەند سەرچاوەیەكەوە راستیی رووداوەكە دەگێرێتەوە .
سەرچاوەیەكی سەربازی لە سنووری پارێزگای دهۆك بەSNNی راگەیاند “كاتێك سێ چەكداری پارتی كرێكارانی كوردستان لە نێو گوندی سەر گەلییەوە دەیانەوێت بگەڕێنەوە بۆ بارەگا سەربازییەكەیان، لەو كاتەدا ئۆتۆمبێلەكەیان دەكەوێتە ژێر چاودێری فڕۆكەكانی سوپای توركیا و دواتر خاڵێكی پشكنینی هێزەكانی پێشمەرگە تێدەپەڕێنن و ناوەستن”.
بەگوێرەی سەرچاوەکە، دواتر لەلایەن پێشمەرگەوە تەقە لە ئۆتۆمبێلەكەی پەکەکە كراوە و بەو هۆیەشەوە سێ چەكداریان بە سەختی بریندار بوون و دواتر شەڕ لەنێوانیان دروستبووە”.
سەرچاوەكە وتیشی: “دوای نیو كاتژمێر شەڕ، لە ئێستادا هیچ گرژی و تەقەیەک نەماوە و دۆخی ناوچەكەش ئارامتر بۆتەوە تەنها دەنگی فڕۆكەی سوپای توركیا لە ناوچەكەدا دەبیسترێ، بەڵام هیچ شوێنێكیان بۆردومان نەكردووە” .
دوای ئەوەی نێوانی پارتی دیموكراتی كوردستان و پارتی كرێكارانی كوردستان لەسەرەتایی مانگی حەوتی ئەمساڵەوە گرژی تێكەوتووە، هەردولایەن لەبەرامبەر یەكتر هێزیان جووڵاندوە، ئەمە جاری دووەمە شەڕ و پێكدادان لەنێوان پارتی و پەكەكە رووبدات لە ماوەی پێنج مانگی رابردوودا.

بەشی بکە لە
Previous Next
Close
Test Caption
Test Description goes like this