وێنه‌: پێنجه‌مین خولی هه‌ڵبژاردنی لقی سلێمانی لیژنه‌ی پارائۆڵۆمپی عێراق به‌ڕێوه‌چوو

0
55
دیمەنێک لە هەڵبژاردنەکە

ئه‌رده‌ڵان محه‌مه‌د – SNNsport

دوای هه‌ریه‌ك له‌ پارێزگاكانی هه‌ولێر ‌و دهۆك له‌ شاری سلێمانیش هه‌ڵبژاردنی لقی سلێمانی لیژنه‌ی پارائۆڵۆمپی عێراق به‌ڕێوه‌چوو.

به‌ئاماده‌بوونی سه‌رۆك و جێگر و ئه‌ندامانی لیژنه‌ی پارائۆڵۆمپی عێراق و نوێنه‌ر و دادوه‌ری وه‌زاره‌تی وه‌رزش‌و لاوانی عێراق و به‌ڕێوبه‌ری وه‌رزشی سلێمانی و به‌ ئاماده‌بوونی 31كه‌س ، هه‌ڵبژاردن بۆ ستافێكی نوێی لقی سلێمانی لیژنه‌ی پاراۆڵۆمپی عێراق ئه‌نجامدرا.

31كه‌س ده‌یانتوانی به‌شداری هه‌ڵبژاردنه‌كه‌ بكه‌ن، به‌ڵام 29 كه‌س ئاماده‌بوون بۆ ده‌ستنیشانكردنی سه‌رۆك و جێگر و به‌ڕێوەبه‌ری كارگێڕی و دارایی دوو ئه‌ندام و دوای هه‌ڵبژاردنێكی ئازادانه‌ ستافی نوێی لقی سلێمانی لیژنه‌ی پارائۆڵۆمپی عێراق هه‌ڵبژێرا.

محه‌مه‌د مه‌حمود سه‌رۆكی نوێی لقی سلێمانی لیژنه‌ی پارائۆڵۆمپی عێراق ئه‌وه‌ی خسته‌ڕوو:” ئه‌وه‌ی له‌ چوار ساڵی رابردوو ئه‌نجامماندا سه‌ره‌ڕای ئه‌و قه‌یرانه‌ داراییه‌ی به‌سه‌رماندا هاتبوو، به‌ڵام به‌ هاوكاری پارێزگاری سلێمانی و خۆشه‌ویستانمان به‌رده‌وامیمان به‌ چالاكییه‌كانماندا له‌ ناوخۆ و ده‌ره‌وه‌، به‌ڵام بۆ چوار ساڵی داهاتوو به‌به‌رنامه‌یه‌كی به‌هێزتر دێینه‌ پێشه‌وه‌ ده‌ست به‌ چالاكییه‌كانمان ده‌كه‌ینه‌وه‌ به‌ تایبه‌تی ئه‌و تیپانه‌ی كه‌ نه‌مابوون له‌ به‌رنامه‌ماندا هه‌یه‌ كه‌ جارێكیتر دروستیان بكه‌ینه‌وه”‌.

له‌لای خۆیه‌وه‌ فرسه‌ت ئیبراهیم جێگری سه‌رۆكی لیژنه‌ی پارائۆڵۆمپی عێراق ئه‌وه‌ی راگه‌یاند:” دوای به‌ڕێوه‌چوونی هه‌موو پاڵه‌وانێتییه‌كی پارائۆڵۆمپی هه‌ڵبژاردن ئه‌نجام ده‌ده‌ین، به‌ڵام ئه‌مساڵ به‌هۆی  بڵاوبوونه‌وه‌ی ڤایرۆسی كۆرۆناوه‌ پاڵه‌وانێتی پارائۆڵۆمپی جیهان ئه‌نجامنه‌درا،ئێمه‌ له‌سه‌ر به‌رنامه‌ی خۆمان به‌رده‌وامین دوای هه‌ولێر و دهۆكیش له‌شاری سلێمانی هه‌ڵبژاردنێكی سه‌ركه‌وتوومان ئه‌نجامدا”.

دوای هه‌ڵبژاردنی ستافی نوێ له‌ كه‌شێكی ئارام شه‌ش كه‌س بۆ پۆسته‌كانی سه‌رۆك و جێگری سه‌رۆك و به‌ڕێوەبه‌ری كارگێڕی و به‌رپرسی دارایی و دوو ئه‌ندام هه‌ڵبژێران.

محه‌مه‌د مه‌حمود           28ده‌نگ            سه‌رۆك

پێشڕه‌و محه‌مه‌د             24ده‌نگ           جێگری سه‌رۆك

وه‌فا كه‌مال                  22ده‌نگ            به‌ڕێوەبه‌ری كارگێڕی

ئاوات عه‌لی                  25ده‌نگ            به‌رپرسی دارایی

به‌هار مه‌حمود              16ده‌نگ             ئه‌ندام

سه‌ڵاحه‌دین ئه‌حمه‌د        12ده‌نگ             ئه‌ندام

 

بەشی بکە لە
Previous Next
Close
Test Caption
Test Description goes like this