داعش پێشمەرگەیەک و هاوسەرەکەی شەهید کرد

0
1913

SNN- سیروان حه‌سه‌ن 

ئه‌مشه‌و جارێكى دیكه‌ چه‌كدارانى داعش له‌ سنوورى خانه‌قین په‌لامارى گوندێكى كوردنیشینیاندا و پێشمەرگەیەک و هاوسەرەکەیان شەهید کردووە و منداڵێکی تەمەن پێنج ساڵانیشیان چارەنووسی نادیارە.

 

سه‌رچاوه‌یه‌ك له‌ پۆلیسى خانه‌قین به‌ SNNی راگه‌یاند: كه‌مێك له‌مه‌وبه‌ر له‌ سنوورى خانه‌قین چه‌كدارانى داعش په‌لامارى گوندى “ته‌فره‌ق”ه‌یان دا و لەنزیک گوندەکە هتڵیانکوتاوەتە سەر ئۆتۆمبیلێک کە خێزانێكى سێ كه‌سیى تێدابووە.

 

وتیشی: “پیاو و ژنەکەیان شەهید کردووە کە پیاوەکە پێشمەرگەیە و هەروەها چارەنووسی منداڵە تەمەن پێنج ساڵانەکەیان تا ئێستا نادیارە.”

 

ئەوەشی خستەڕوو، هه‌ر له‌ نزیك ئه‌و گونده‌ بۆمبێكى چێندراو به‌ چه‌كدارانى حه‌شدى شه‌عبى ته‌قیوه‌ته‌وه‌ و شه‌ڕوپێكدادان له‌نێوان داعش و حه‌شدى شه‌عبى دروستبووه‌ و له‌به‌ر ئه‌و شه‌ڕه‌ش تا ئێستا نه‌توانراوه‌ ته‌رمى ئه‌و خێزانه‌ له‌نێو ئۆتۆمبیلەکەیان بهێندرێته‌وه‌ ده‌ره‌وه‌.

 

ئه‌م په‌لاماره‌ى داعش دواى ئه‌وه‌ دێت شه‌وى رابردوو هه‌ر له‌ خانه‌قین په‌لامارى گوندێكى دیكه‌یاندا و دوو هاووڵاتى گونده‌كه‌یان ڕفاندو هه‌ردووكیان دواتر به‌ كوژراوى دۆزرانه‌وه‌.

بەشی بکە لە
Previous Next
Close
Test Caption
Test Description goes like this