ئەمریکا سزاکانی سەر تورکیا ورد و چڕتر دەکات

0
583

SNN

مایک پۆمپیۆ وەزیری دەرەوەی ئەمریکا رایگەیاند: کە سزایان بەسەر ئەو وەزارەتەی تورکیا سەپاندووە کە رێککەوتنی کڕینی مووشەکی S-400ی لەگەڵ رووسیا واژوو کردووەو هەروەها ناردنی سەرجەم مۆڵەتەكان بۆ بەڕێوەبەرایەتی پیشەسازی بەرگری ڕادەگرێت و پێدانی ڤیزا بە (ئیسماعیل دەمیری) بەڕێوبەری ڕاگرت.

تروکیا بەردەوامە لە سەرکۆنەکردنی سزاکانی ئەمریکا بەسەریدا، بەڵام مایک پۆمپیۆ وتی “ئەو ڕێوشوێنانەی گیرانەبەر پەیامێكی ڕوون و ئاشكرایەو تیایدا دەریدەخات ئەمریكا (یاسای ئەمریكی) بەشێوەیەكی تەواو جێبەجێ دەكات و چاوپۆشی لە هیچ گرێبەستێكی گەورە لەگەڵ هەردوو كەرتی بەرگری و هەواڵگری ڕوسیادا ناكات”.

لە درێژەی قسەکانیدا ئاماژەی بەوەشکرد كڕینی سیستەمی ئێس 400 لەلایەن تورکیاوە مەترسی دروست دەكات لەسەر ئاسایشی تەكنەلۆجیای سەربازی ئەمریكا و كارمەندەكانی و هەروەها كەرتی بەرگری رووسیاش پارەیەكی باشی دەستدەكەوێت، هەروەها گەیشتنی ڕووسەكانیشە بە هێزە چەكدارەكانی توركیا و كەرتی بەرگری وڵاتەكە.

بەهۆی ئەوەی ساڵی رابردوو تورکیا کۆمەڵێک سیستمی بەرگری رووسی بەناوی S-400 کڕی ئاڵۆزی لە پەیوەندییەکانی نێوان ئەمریکا و تورکیا و ناتۆ و تورکیادا دروستبوو دوای چەند ئاگادارکردنەوەیەک و گوێنەدانی تورکیا بە هەرەشەکانی ئەمریکا دواجار سزا بەسەر تورکیادا سەپێندرا.

بەشی بکە لە
Previous Next
Close
Test Caption
Test Description goes like this