له یەک رۆژدا لە‌ خورماتوو 8 رووداوى هاتووچۆ 10 کەسی کردووەتە قوربانى

0
365

SNN- سیروان حه‌سه‌ن 

له‌ سنوورى خورماتوو تەنیا ئه‌مڕۆ به‌هۆى هه‌شت رووداوى هاتووچۆوه‌ سێ هاووڵاتى كه‌ یه‌كێكیان منداڵێكى ته‌مه‌ن دوو ساڵه‌ گیانیانلەدەستداوه‌ و حه‌وت كه‌سى دیكه‌ش برینداربوون.

زه‌نون به‌رزنجى وته‌بێژى پۆلیسى هاتووچۆى خورماتوو بهSNNى راگه‌یاند “له‌ به‌یانییه‌وه‌ تاوه‌كو ئێواره‌ى ئه‌مڕۆ سێشه‌ممه‌ له‌ سنوورى قه‌زاى خورماتوو له‌ ناو شار و رێگاكانى ده‌ره‌وه‌ بۆ كه‌ركوك – به‌غدا هه‌شت رووداوى هاتووچۆ روویانداوه”.

وتیشى: “له‌ ئاكامى ئه‌و رووداوانه منداڵێكى ته‌مه‌ن دوو ساڵ، گه‌نجێكى ته‌مه‌ن 17 ساڵ و پیاوێكى ته‌مه‌ن 62 ساڵ گیانیانله‌ ده‌ستداوه‌، حه‌وت كه‌سى دیكه‌ش برینداربوون كه‌ برینى سێ كه‌سیان زۆر سه‌خته‌”.

سه‌باره‌ت به‌و رووداوانه‌ زه‌نون به‌رزنجى رایگه‌یاند، له‌رووداوه‌كاندا كه‌ زۆربه‌یان پێكدادان و یه‌ك رووداویش وه‌رگه‌ڕان بووه،‌ زیانى ماددى زۆر به‌ ئۆتۆمبیله‌كان كه‌وتووه‌ یه‌كێك له‌ رووداوه‌كان پێكدادانى ئۆتۆمبیلێك بووه‌ له‌گه‌ڵ ماتۆڕسكیلێك و له‌ سه‌ر ماتۆڕه‌كه‌ سێ گه‌نج هه‌بووه‌ و‌ بارودۆخیان زۆر خراپه‌.

بەشی بکە لە
Previous Next
Close
Test Caption
Test Description goes like this