کازمی وەزارەتە بەتاڵەکانی کابینەکەی بە وەکالەت پڕدەکاتەوە

0
523

بە گوێرەی نوسراوێکی فەرمی کە واژۆی مستەفا کازمی سەرۆک وەزیرانی عێراقی لەسەرە، پۆستی وەزارەتە بەتاڵەکانی کابینە نوێکەی عێراق بە وەکالەت پڕدەکرێنەوە.

لەو نوسراوەدا هاتووە، به‌پشت به‌ستن به‌مادده‌ی 78ی ده‌ستوری كۆماری عێراق، بڕیاردراوه‌ كه‌ ئه‌و وه‌زاره‌تانه‌ی تا ئێستا وه‌زیریان بۆ دیارینه‌كراوه‌، له‌ رێگه‌ی وه‌زیرانی حكومه‌تی عێراقه‌وه‌ به‌وه‌كاله‌ت پڕبكرێنه‌وه‌.

ئەوەش خراوەتەڕوو، عه‌لی حه‌یده‌ر عه‌بدولئه‌میر وه‌زیری دارایی پۆستی وه‌زیری نه‌وت به‌وه‌كاله‌ت وەردەگرێت، نه‌بیل كازم عه‌بدولساحب وه‌زیری خوێندنی باڵا و توێژینه‌وه‌ی زانستی پۆستی وه‌زیری داد به‌وه‌كاله‌ت به‌ڕێوه‌ده‌بات.

هاوکات ناسر حسێن وه‌زیری گواستنه‌وه‌، پۆستی وه‌زیری كۆچ و كۆچبه‌ران به‌وه‌كاله‌ت وەردەگرێت.

هەر بە گوێرەی ئەو نوسراوە، عه‌دنان درجال وه‌زیری وه‌رزش و لاوان، پۆستی وه‌زیری رۆشنبیری به‌وه‌كاله‌ت وەردەگرێت، عه‌لی حه‌مید مخلف وه‌زیری په‌روه‌رده‌، پۆستی وه‌زیری بازرگانی به‌وه‌كاله‌ت وەردەگرێت، عه‌بدولكه‌ریم هاشم بریكاری پێشكه‌وتووی وه‌زاره‌تی ده‌ره‌وه‌، ئه‌ركی وه‌زیری ده‌ره‌وه‌ی عێراقی به‌وه‌كاله‌ت پێده‌سپێردرێت.

هەفتەی رابردوو، په‌رله‌مانتاران متمانه‌یان به‌خشیه‌ 15 کاندیدی كابینه‌كه‌ی مسته‌فا كازمی، چوار كاندیدی وه‌زاره‌ته‌كانیش ره‌تكرانه‌وه‌ و هه‌ریه‌ك له‌ كاندیدانی وه‌زاره‌ته‌كانی ده‌ره‌وه‌ و نه‌وتیش کاندیدیان ئاماده‌نه‌بوو بۆ ده‌نگدان.

بەشی بکە لە
Previous Next
Close
Test Caption
Test Description goes like this