بۆ یەکەمجار منداڵی هەژار لە بەریتانیا هاوکاری پێدرا

0
163

SNN

حکومەتی بەریتانیا رووبەڕووی رەخنە و توانجێکی زۆر بووەوە پاشئەوەی لەلایەن رێکخراوی یونسێف-ی سەربە نەتەوە یەکگرتووەکانەوە هاوکاری منداڵی هەژار لەو وڵاتە کرا کە تائێستا رێکخراوەکە کاری هاوشێوەی نەکردووە پێشتر.

پارتی کرێکارانی بەریتانیا کە ئۆپۆزسیۆنی سەرەکی وڵاتە، دەڵێت “شەرمەزارییە بە یارمەتی سندوقی نەتەوە یەکگرتووەکان بۆ منداڵان، خواردن بدرێت بە نزیکەی 18 هەزار خێزانی هەژار لە بەریتانیا”.

ئەنگێلا راینەر جێگری سەرۆکی پارتی کرێکارانی نەیاری حکومەت دەڵێت: “نەدەبوو بە هیچ شێوەیەک بگەینە ئێرە، نابێت منداڵانمان را بێن لەسە ئەوەی رێکخراوێک یارمەتییان بدات کە کاری لە ناوچە کێشە لەسەر و جەنگاوییەکانە”.

پێشتر کابینەکەی بۆریس جۆنسن سەرۆکوەزیرانی بەریتانیا رێگر بوو لەم هەڵمەتە، بەڵام دواتر بە فشاری چەند لایەنێک کە مارکۆس راشفۆرد ئەستێرەی تۆپی پێی ئینگلیز سەرپەرشتیدەکات، رێگە درا هاوکارییەکە دابەشبکرێت کە بڕی 25 هەزار پاوەنە و دەچێتە سندوقی یارمەتیدانی خێزانە هەژارەکان لە ناوچەی ساوسوارک لە باشووری لەندەن.

ئانا کیتلی بەڕێوەبەری بەرنامەی یونسێف لە بەریتانیا دەڵێت: “هاوکارییەکە خۆی لە پێشکەشکردانی 18 هەزار ژەمە خواردنیش دەبینێتەوە بۆ خێزانە هەژارەکان تا لە کاتی قەدەغەی هاتووچۆدا بەهۆی کۆرۆناوە برسی نەبن”.

وتیشی: “ئەوە یەکەمینجارە رێکخراوی یونسێف هاوکاری لە بەریتانیا دابەشدەکات وەک وەڵامدانەوەیەک بۆ بانگەواز و کەمپەینی چەند کەسێک تا کاریگەرییەکانی کۆرۆنا لەسەر ژیانیان کەمببێتەوە”.

بەشی بکە لە
Previous Next
Close
Test Caption
Test Description goes like this