ئەمساڵ 35 کۆچبەری هەرێم گیانیانلەدەستداوە

0
97

SNN

لە رۆژی جیهانی کۆچبەراندا دەزگای لوتکە دوایین ئاماری کۆچ و قوربانییەکانی رێگای کۆچی بڵاوکردەوە و رایگەیاند: 35 هاووڵاتی هەرێم لە رێگای هات و نەهاتیان بەرەو ئەوروپا گیانیانلەدەستداوە.

ئاری جەلال سەرپەرشتیاری دەزگای لوتکە، ئەمڕۆ لە کۆنفرانسێکی رۆژنامەوانیدا رایگەیاند: ئەمساڵ 34 هەزار کۆچبەری خەڵکی هەرێمی کوردستان لە وڵاتانی ئەوروپا داوای مافی پەنابەرێتییان کردووە کە ئەوانە تەمەنیان لەسەروو 18 ساڵەوە هەبووە و ئەوانی دیکە داوای مافی پەنابەرێتی سیاسییان کردووە.

ئاماژەی بەوەشکرد: 35 کۆچبەری خەڵکی هەرێم لە رێگایاندا بەرەو ئەوروپا بەشێوازی جۆراوجۆر گیانیانلەدەستداوە کە تەرمی 18 کەسیان دۆزراوەتەوە، دەزگای لوتکە تەرمی 16 کەسیانی گەڕاندووەتەوە بۆ هەرێم و ئەو دوانەی دیکەش پرۆسەی گەڕاندنەوەی تەرمەکانیان بەردەوامە.

سەبارەت بە گەڕاندنەوەی تەرمی کۆچبەرەکان، ئاری جەلال وتیشی: هاوسەرۆکانی یەکێتی تێچووی گەڕاندنەوەی تەرمەکانیان  لەئەستۆ گرتووە و بۆ ئەوەش سوپاسگوزارین.

سەبارەت بە ئامارەکانی کۆچکردنیش ئاماژەی بەوەکرد: لە دوو مانگی سەرەتای ئەمساڵ و لە سێ مانگی کۆتایی ئەمساڵ رێژەی کۆچکردن بەراورد بە ساڵی رابردوو زیادیکردووە ئەوەش بۆ بارودۆخی ناهەمواری هەرێم و خراپی خزمەتگوزاری و نەبوونی هەلی کار دەگەڕێنینەوە.

 

 

 

بەشی بکە لە
Previous Next
Close
Test Caption
Test Description goes like this