هاوسه‌ری پیشه‌گه‌رێكی به‌لجیكی ناچاری ده‌كات خولی عێراق جێبهێڵێت
کاباسلی
SNNsport- حسێن کەرکوکی
ده‌سته‌ی كارگێری یانه‌ی دیوانییه‌ی عێراقی ڕاگه‌یاند گرێبه‌ستی له‌گه‌ڵ پیشه‌گه‌ری به‌لجیكی (ناسان كاباسلی) به‌ره‌زامه‌ندی هه‌ردوولا هه‌ڵوه‌شاندووەتەوە.
میدیا عێراقییەکان بڵاویانکردووەتەوە، هاوسه‌ری پێشه‌گه‌ره به‌لجیكیه‌كه هه‌ڕه‌شه‌ی جیابوونه‌وه‌ی له مێرده‌كه‌ی كردبوو له ئه‌گه‌ری به‌رده‌وامبوونی له یارییكردن له عێراق .
سه‌رچاوه‌كان ئاماژه‌یان بۆ ئه‌وه كرد كه كاباسلی به بێ دوودڵی بڕیاری خۆیداوە و ئیداره‌ی یانه‌كه‌ی ئاگادارکردووەتەوە كه ناتوانێت كاروانه‌كه‌ی لەگەڵ تیپه‌كه ته‌واو بكات و بابه‌ته‌كه‌ی بۆ ئیداره‌ی یانه‌كه روونكرده‌وه و هۆكاره خێزانیه‌كه‌ی وایکرد ناچاربێت كه ئه‌و بریاره بدات.
كاباسلی كه له گواستنه‌وه‌ی هاوینه‌ی یاریزانان چووه ریزی یانه‌ی دیوانییه ، له‌گه‌ڵ ئەو بایه‌خه گه‌وره‌یە نەبوو پێش گه‌یشتنی بۆ عێراق و ته‌نیا یه‌ك گۆڵی تۆمار كردووه ئه‌ویش له یانەی شورته بوو.
حسێن عەنکوشی سەرۆکی دەستەی ئیدارەی یانەی دیوانییە رایگەیاند لە گواستنەوەکانی زستانەی داهاتوو یاریزانی نوێ دەگوازینەوە بۆ ریزەکانمان کە لە ناوخۆ و دەرەوە بێت.
پەرەپێدراوە و دروستکراوە