نەخۆشخانەی ژیان لە ڕاپەڕین کرایەوە

0
146

SNN- محەمەد مستەفا

ئەمڕۆ شەممە نەخۆشخانەی ژیان بۆ چاودێری ورد و نەخۆشییە گوازراوەکان لە ناحیەی چوارقوڕنەی ئیدارەی ڕاپەڕین کرایەوە، نەخۆشخانەکە تایبەتە بە چارەسەرکردنی تووشبووانی کۆرۆنا .

دکتۆر دیار ئیبراهیم بەڕێوەبەری تەندروستیی ڕاپەڕین ڕایگەیاند “نەخۆشخانەکە بە بڕی زیاتر لە 2 ملیار دیناری عێراقی دروستکراوە کە نزیکەی یەک ملیار دیناری لەلایەن لاهور شێخ جەنگی هاوسەرۆکی یەکێتی و بڕی ملیارێک دیناری تریشی لەلایەن خێرخوازانی دەڤەری ڕاپەڕین بۆ دابینکرابوو .

وتیشی: “نەخۆشخانەکە 90 قەرەوێڵە لە خۆ دەگرێت کە جگە لە چارەسەری تووشبووانی کۆرۆنا، هاوکات بەشی چاودێری وردی تێدایە کە لەمەودوا بەشێکی زۆری حاڵەتە قورسەکانی برینداری و چاودێریکردنی چڕی نەخۆشەکان لەم نەخۆشخانەیە ئەنجامدەدرێت و پێویست بە ناردنی ئەو نەخۆشانە ناکات بۆ نەخۆشخانەکانی سلێمانی .”

بەڕێوەبەری تەندروستی ڕاپەڕین باسی لەوەشکرد “هاوکارییەکانی لاهور شێخ جەنگی بۆ دابینکردنی پێداویستییەکانی نەخۆشخانەکە بەردەوامە و 10 ڕۆژی داهاتوو دەستدەکات بە وەرگرتن و چارەسەری نەخۆش” .

بەشی بکە لە
Previous Next
Close
Test Caption
Test Description goes like this