ئەنجومەنی زانکۆی پۆلیتەکنیکی سلێمانی چەند بڕیارێکی دەرکرد

0
2217

ئەنجومەنی زانکۆی پۆلیتەکنیکی سلێمانی کاتی دەستپێکردنی تاقیکردنەوەکانی کۆتایی ساڵی خوێندکارانی زانکۆ و کۆتایی هاتنی دەوامی خوێندنی ئەمساڵی دیاریکرد.

ئەنجومەنی زانکۆی پۆلیتەکنیکی سلێمانی، ئەمڕۆ 12ی ئایار رایگەیاند: دەوامی خوێندن لە زانکۆکان لە 31ی ئایار دەستپێدەکات، هەروەها 14ی حوزەیران تاقیکردنەوەکانی کۆتایی ساڵ لە زانکۆی پۆلیتەکنیک دەستپێدەکات و یەکی تەمووز کۆتایی بە پرۆسەی خوێندن دەهێنرێت.

ئاماژەی بەوەشکردووە: “ئەو وانە و ماددانەی خوێندکاران بەشێوەی ئەلکترۆنی وەریانگرتووە بۆ پێدانی زانیاری بووە و بۆ تاقیکردنەوە هەژمار ناکرێن، بۆ تاقیکردنەوە تەنیا ئەو وانانە هەژمارکراون کە تا پێش کەرەنتینەی گشتی واتا تا رێکەوتی 25ی شوبات خوێندراوە، بەو هۆیەشەوە ئەنجومەنی کۆلێج و پەیمانگاکان و ئەنجومەنی بەشەکان و لیژنە زانستییەکان راسپێردراون بۆئەوەی میکانیزمی تاقیکردنەوەکان و میکانیزمی دانانی نمرەکان بەشێوەیەک ئەنجام بدرێت کە خوێندکار زەرەرمەند نەبێت”.

ئەوەشی خستووەتەڕوو، رێژەی بەشداریکردنی خوێندکاران لە خوێندنی ئەلیکترۆنی لە نێوان 50% بۆ 80% بووە بەپێی جیاوازی بەش و وانەکان، لە ئایندەشدا زانکۆمان باشتر ئامادەکاری دەبێت بۆ هەر قەیرانێکی دیکە ئەگەر رووبدات.

ئاماژەش بەوەکراوە: “ئەنجومەنی زانکۆ داوای سەربەخۆیی کارگێڕی و دارایی زانکۆکان لە وەزارەتی خوێندنی باڵا و حکومەت دەکات تابتوانن زیاتر خزمەتی زانکۆ و خوێندکاران و کۆمەڵگە بکەن و ئاستی توێژینەوە زانستییەکانیش زیاتر بەرەوپێش ببرێت چونکە کوالێتی بەرزی خوێندن لە کەمپەسی زانکۆکان پێویستی بە خەرجی زۆر دەبێت”.

بەشی بکە لە
Previous Next
Close
Test Caption
Test Description goes like this