هەولێر.. یەکەکانی نیشتەجێبوون لە نێوان خراپی کواڵیتی و گرانی نرخدا

0
418

SNN- بریار محەمەد

لە شاری هەولێر چەندین یەکەی نیشتەجێبوون کراونەتەوە کە ریکلامی جۆراوجۆریان بۆ دەکرێت، بەشێکیان لە ئاست ڕازیبوونی هاووڵاتیاندا نین، رەخنە لە گرانی نرخ و خراپی کواڵیتیان دەکەن، بەشێکی زۆری هاووڵاتییان بەوهۆیەوە زیانیان پێگەیشتووە و قەرەبووشنەکراونەتەوە.

هێمن حسێن ساڵی 2010 بڕیار دەدات: خانوویەک لە یەكێك لە پرۆژەكانی نیشتەجێیبوون بكڕێت لە شاری هەولێر، ئەو دەڵێت: “كاتێك سەردانی نوسینگەی پرۆژەكەم كرد زۆر باسی باشی و كواڵتی خانووەكەیان بۆ كردین، منیش بڕیامدا خانووەكە بكرم بە 100 هەزار دۆلار و پارەكەمدا، بریار بوو لە ماوەی یەك ساڵ و نیوە خانووەكە تەواو بكرێت، كەچی زیاتر لە دوو ساڵ تێپەڕی و خانووەكانیش تەواونەبوون بە ناچاری زۆرینەی كریارەكان بریارماندا بە تەواو نەكراویی بچینە نێو خانووەكان، ئەوە بوو نزیكەی 10 هەزار دۆلاریشمان لە خانووەكان مابوو و زۆرینەی ئەو خزمەتگوزاریانەی باسیشكرابوو تێدا نەبوو هەرچۆنێك بێـت دووساڵ لە نێو خانوەكاندابوون، بەڵام بەهۆی خراپی سیستمی كارەبا و ئاوەڕۆ بە ناچاری خانووەکەم فرۆشت بە 70 هەزار دۆلار و 30 هەزار دۆلار (سێ دەفتەر)م زەرەركرد”.

لایەنە پەیوەندیدارەکان بەدەم کێشە و گرفتەکانمانەوە نەهاتوون

وتیشی: چەندین جار نیگەرانیەكانی خۆمان گەیاندە لایەنە پەیوەندیدارەكان، بەڵام كەس بەدەم داواكاریەكەمان نەهاتووە، قەرزاریش بووین  وەكو ئەوەی وابێت خاوەن پرۆژەكە مافی ئێمە بێت نەك ئێمە مافمان لای ئەو بێت، بەراستی زۆرینەی ئەو پرۆژانەی كە دروست دەكرێن لەرووی سەلامەتی كواڵیتیەوە زۆر زۆر خراپن وهیوادارین دەستەی وەبەرهێنان چاودێری زیاتر بخانە سەر  ئەو پرۆژانە .

لای خۆشیەوە كارزان رەسوڵ، وتەبێژی كۆمەڵەی كرێنشینانی كوردستان بە  SNNی راگەیاند: ئەو پرۆژانەی كە لە ماوەی چەند ساڵی رابردوو كۆمەڵێك پرۆژەی یەكەی نیشتەجێبوون دروستكراون، بەڵام هیچكام لەو پرۆژانە نەیانتوانیوە خزمەت بە كرێنشینان بكەن و رێژەی كرێنشینی كەم بكاتەوە، لە راستیشدا حكومەت نە پلانی هەبووە خزمەت بە كرێنشینان بكات و نە پلانیشی دەبێت تەنها ئامانجی حكومەت خزمەتكردنی سەرمایەدارەكانە نە چینی هەژار و كرێنشین .

وتیشی: لە ماوەی 15 ساڵی رابردوو تەنها 200 هەزار یەكەی نیشتەجێ بوون بۆ كرێنشینان دروستكراوە لە كاتێكدا لە ئێستادا بەپێی ئامارەكان زیاتر لە 480 هەزار كرێنشین لە هەرێمی كوردستاندا هەیە و لەو ژمارەیەشدا تەنها 94 هەزار كرێنشین لای ئێمە ئەندامن.

کۆمەڵەی کرێنشینانی کوردستان: حکومەت گوێ بۆ پێشنیاز و پلانەکانمان ناگرێت

ئەوەشی خستە روو: ئێمە لە ماوەی چەند ساڵی رابردوو چەندین پرۆژەمان بە مەبەستی كەمكردنەوەی رێژەی كرێنشینان داوەتە حكومەت و پەرلەمان و دەستەی وەبەرهێنان، بەڵام تاوەكو ئێستا كار لەسەر هیچ كام لە پلانەكانی ئێمە نەكراوە .

پێنج ساڵی داهاتوو قۆناغێکی سەخت دەبێت بۆ خاوەنی یەکەکانی نیشتەجێبوون

سەردار ئازاد خاوەنی نوسینگەی عەقاراتی ئەملاك دەڵێت: بەراستی ئەو پارەیەی لە  كڕیارانی یەكەكانی نیشتەجێبوون وەردەگیرێت چارەکێک لەو پارەیە لە کواڵتی یەكەکاندا خەرج ناكرێتەوە، هەروەها حكومەتیش هیچ چاودێریەكەی لەسەر ئەو پرۆژە و یەكانە دانەناوە بۆیە، بەبروای من 5 ساڵی داهاتوو قۆناغێكی سەخت دەبێت بۆ یەكەكانی نیشتەجێ بوون هەموویان بەهۆی كوڵیتی خراپەوە دەبێت دیسانەوە بە پارە تێكبدرێنەوە .

بۆ بەدواداچوونی زیاتر لەسەر كێشە و كەموكورتی لە پرۆژەكانی نیشتەجێی بوون ماوەی دوو رۆژە  SNNپەیوەندی دەكات بە محەمەد شوكری سەرۆكی دەستەی وەبەرهێنانی هەرێمی كوردستان، بەڵام پەیوەندیەكان بەردەست نین .

بەپێی ئامارێك كە دەست SNN كەوتووە لە ساڵی 2006 تاوەكو ئێستا دەستەی وەبەرهێنانی حكومەتی هەرێمی كوردستانی مۆڵەتی كاركردنی داوەتەوە 192 هەزار پرۆژەی یەكەی نیشتەجێبوون، لەو ژمارەیەشدا تەنها لە شاری هەولێر 2 پرۆژە بۆ كرێنشینان بووە .

بەشی بکە لە
Previous Next
Close
Test Caption
Test Description goes like this