بەریتانیا کەرەنتینەی هاووڵاتییان لە نێو ماڵەکانیان درێژدەکاتەوە

0
253

SNN

بۆریس جۆنسۆن، سەرۆکوەزیرانی بەریتانیا ئەمڕۆ شەممە رایگەیاند: کە دووبارە قەدەغەی هاتووچۆ و کەرەنتینەی هاووڵاتییان لە ماڵەکانی خۆیان رادەگەیەنین بەمەبەستی رێگریکردن لە بڵاوبوونەوەی کۆرۆنا کە ماوەی چەند رۆژێکە لەو وڵاتە ژمارەکان زیادی کردووە.

ئەم هەواڵەی جۆنسۆن هاووڵاتییانی وڵاتەکەی دڵتەنگ کرد چونکە چیتر ناتوانن بەشداری لە بۆنەکانی جەژنی سەری ساڵ و ئاهەنگەکانی رۆژی لەدایکبوونی حەزرەتی مەسیح بکەن، بەتایبەتی لە ناوچەکانی باشووری رۆژهەڵاتی ئینگلتەرا، جۆنسۆن وتی لە رۆژی یەکشەممە واتا لە سبەینێوە دووبارە کەرەنتینکردنی هاووڵاتییان لە ماڵەوە دەستپیدەکاتەوە.

توێژەرانیش لای خۆیانەوە ئاشکرایان کرد کە بازدانێکی نوێ جینەکانی ڤایرۆسی کۆرۆنا روویداوەو ئەم جارەیان زۆر بەهیزتر و خێراتر بڵاودەبێتەوە.

جۆنسۆن بە راشکاوانە بە هاووڵاتییانی وڵاتەکەی دەڵێت: بەداوای لێبوردنەوە بە هاووڵاتییان دەڵێم کە کەرەنتینە لە جەژنەکانی سەری ساڵ بەردەوام دەبێت و هەموو کۆبوونەوەیەکی گروپ و کۆمەڵ رادەگیرێت بە تایبەتی لە زۆنی چواری لەندەن.

ئەمڕۆ لە بەریتانیا 27052 کەس تووشی ڤایرۆسی کۆرۆنا بوون لەگەڵ گیانلەدەستانی 538 کەس، ئەمەش حکومەتی وڵاتەکەی ناچارکرد کە دووبارە کەرەنتینی هاووڵاتییان لە ماڵەکانی خۆیان رابگەیەنێت.

بەشی بکە لە
Previous Next
Close
Test Caption
Test Description goes like this