وێنه‌:شاری سلێمانی یاریزانانی پاسكیلسواری شاخه‌وانی كوردستان و عێراق كۆده‌كاته‌وه‌

0
244
براوەکانی پاڵەوانێتیەکە

ئه‌رده‌ڵان محه‌مه‌د – SNNsport

بۆ سێیه‌مجار شاری سلێمانی یاریزانانی پاسكیلسواری شاخه‌وانی(كروس سه‌نته‌ر) كوردستان و عێراق كۆده‌كاته‌وه‌ بە ئه‌نجامدانی پاڵه‌وانێتییەک.

له‌ پاڵه‌وانێتیه‌كه‌دا 50 یاریزانی كوردستان و عێراق به‌شداربوون، بۆ بڕینی 20كم كوران و 10كم كچان.

به‌رپرسانی پاڵه‌وانێتیه‌كه‌ش ئاماژه‌ به‌وه‌ ده‌ده‌ن كه‌ ئامانجیان له‌م پاڵه‌وانێتییه‌ بۆ زیاتر گرنگیدانه‌ به‌ یاریه‌كه‌ كه‌ ماوه‌ی چه‌ندی ساڵێكه‌ له‌ شاری سلێمانی ئه‌نجام ده‌درێت، راشیده‌گه‌یه‌نن، ئه‌گه‌ر حكومه‌ت هاوكاری داراییمان بكات ده‌توانین پاڵه‌وانێتییەکە‌ له‌سه‌ر ئاستی كیشوه‌ری و نێوده‌وڵه‌تی ئه‌نجام بده‌ین.

فه‌رهاد مه‌حمود ئه‌ندامی لقی سلێمانی یه‌كێتیی پاسكیلسواری عێراق ئه‌وه‌ی خسته‌ڕوو:” ئامانجمان له‌ ئه‌نجامدانی ئه‌م پاڵه‌وانێتییه‌ زیاتر گرنگیدانه‌ به‌ یاریه‌كه‌، چونكه‌ ماوه‌ی چه‌ند ساڵێكه‌ یاریه‌كه‌ له‌ شاری سلێمانی ئاستێكی به‌هێز به‌خۆیه‌وه‌ ده‌بینێت و چه‌ندین پاڵه‌وانێتیشمان ئه‌نجامداوه‌ و چه‌ندین یاریزانی ئاستبه‌رز و به‌هێزیشمان هه‌یه‌، ئه‌گه‌ر حكومه‌تی هه‌رێمی كوردستان هاوكاری داراییمان بكات به‌ دڵنیاییه‌وه‌ ده‌توانین له‌سه‌ر ئاستی كیشوه‌ری و نێوده‌وڵه‌تیش پاڵه‌وانێتی ئه‌نجام بده‌ین”.

دوای ركابه‌رییه‌كی به‌هێز له‌نێوان یاریزانانی به‌شداربوو كه‌ له‌سه‌رجه‌م شاره‌كانی كوردستان و عێراق به‌شداربوون ئەنجامەکان به‌مشێوه‌یه‌ بوو.

ئه‌نجامی كۆتای كوڕان:

محه‌مه‌د محه‌مه‌د حه‌مه‌ عه‌لی         پله‌ی یه‌كه‌م        45,10خوله‌ك

محه‌مه‌د به‌كر                           پله‌ی دووه‌م        46,12خوله‌ك

سه‌عد یاسین                           پله‌ی سێیه‌م        4625خوله‌ك

ئه‌نجامی كۆتای كچان

زه‌هره‌ مه‌سعه‌د               پله‌ی یه‌كه‌م               29,50خوله‌ك

داهات كاوه‌                   پله‌ی دووه‌م               30,10خوله‌ك

مژده‌ ره‌فیق                  پله‌ی سێیه‌م               31,40خوله‌ك

محه‌مه‌د محه‌مه‌د حه‌مه‌ عه‌لی پاڵه‌وانی كوڕان وتی:” له‌راستیدا ماوه‌یه‌كی زۆره‌ خۆم بۆ ئه‌م پاڵه‌وانێتییه‌ ئاماده‌ ده‌كه‌م، بۆیه‌ ده‌توانم بڵێم پاڵه‌وانێتیه‌كی زۆر به‌هێز و قورس بوو، له‌به‌رئه‌وه‌ی رێگاكه‌ سه‌خت بوو، به‌تایبه‌تیش كه‌ شاخ و رێگاكانی عێراق و كوردستان به‌ گشتی و شاری سلێمانی بۆ یاریه‌كه‌ گونجاوه‌، بۆیه‌ داوا ده‌كه‌ین، ئه‌گه‌ر زیاتر یارمه‌تیمان بدرێت ده‌توانین نه‌ك له‌سه‌ر ئاستی عێراق، به‌ڵكو له‌سه‌ر ئاستی ناوچه‌كه‌ و ته‌نانه‌ت جیهانیش ئه‌نجامی گه‌وره‌ به‌ده‌ست بێنین”.

یاری پاسكیلسواری له‌ شاری سلێمانی له‌ ئاستێكی به‌هێزدایه‌ به‌جۆرێك كه‌ له‌ كچاندا یاریزانانی ئه‌م شاره‌ توانیویانه‌ له‌سه‌ر عێراق و عه‌ره‌ب و ئاسیا چه‌ندین مه‌دالیای جۆراو جۆر به‌ده‌ست بهێنن، به‌هه‌مان شێوه‌ له‌ یاری پاسكیلسواری شاخه‌وانی ماوه‌ی چه‌ند ساڵێكه‌ به‌هه‌مان شێوه‌یه‌ شاری سلێمانی توانیویه‌تی گرنگییه‌كی زۆر به‌م یاره‌ بدات و چه‌ندین یاریزانی ئاست به‌رزو به‌هێز دروست بكات.

 

براوەکانی پاڵەوانێتیەکە

براوەکانی پاڵەوانێتیەکە

بەشی بکە لە
Previous Next
Close
Test Caption
Test Description goes like this