دوای دەرکەوتنی کۆرۆنایەکی نوێ لە بەریتانیا، یەکەم وڵات ئاسمانی لەگەڵ داخست

0
765

SNN

دوای دروستبوونی بازدانێکی جینی لە ڤایرۆسی کۆرۆنادا و سەرهەڵدانەوەی لە بەریتانیاوە، ئەم جارەیان ڤایرۆسەکە زۆر خێراتر بڵاودەبێتەوەو کاریگەرییەکەشی زیاترە، بۆیە دەستەی فڕۆکەوانەی کوەیتی سەرجەم گەشتەکانی لەگەڵ ئەو وڵاتە و ترانزێتی راگرت.

دەستەی فڕۆکەوانی کوەیتی رایگەیاندووە، ئەم بڕیارە تەنیا بڕیارێکی تەندروستییەو نامانەوێت ئەو ڤایرۆسە نوێیەی کۆرۆنا لە وڵاتەکەماندا بڵاوبێتەوە.

لای خۆشییەوە وەزیری تەندروستیی بەریتانیا مات هانکۆک رایگەیاند: کە ئەستەمە پێش کوتانی هەموو هاووڵاتییانی بەریتانیا بە ڤاکیسنی کۆرۆنا بتوانین رێگە لە بڵاوبوونەوەی ڤایرۆسە نوێکەی کۆرۆنا بگرین، بۆیە دەمانەوێت لەڕێگەی دوورکەوتنەوەی کۆمەڵایەتی و کەرەنتینەی هاووڵاتییان لەنێو ماڵەکانی خۆیاندا رێگری لە بڵاوبوونەوەی ڤایرۆسەکە بەکەین”.

دوێنێ شەممە بۆریس جۆنسۆن سەرۆکوەزیرانی بەریتانیا رایگەیاند: کە لەمڕۆ یەکشەممە کەرەنتینەی هاووڵاتییان لەنێو ماڵەکانی خۆیاندا رادەگەیەنین و جەژنەکانی کریسمس ئەنجام نادرێت تا بتوانین رێگری بکەین لە بڵاوبوونەوەی کۆرۆنا نوێکەی بەریتانیا کە زۆر کاریگەرترو خێراتر بڵاودەبێتەوە.

بەشی بکە لە
Previous Next
Close
Test Caption
Test Description goes like this