کوتانی هاوڵاتیانی سعودیە و بەحرەین بە ڤاکسینی کۆرۆنا دەستیپێکرد

0
430

SNN

هەردوو وڵاتانی سعودیە و بەحرەین بەشێوەیەکی فراوان دەستیان بە دابەشکردنی ڤاکسین بەسەر هاووڵاتیانیاندا کردووە.

سعودیە ڤاکسینی فایزەر بایۆتێک-ی کڕیووە بۆ کوتانی هاووڵاتیەکانیان و بەشێوەیەکی فراوان دەست بە پرۆسەکە کراوە، تۆفیق رەبیاع وەزیری تەندروستی سعودیە یەکێکە لەو کەسانەی کە ڤاکسینەکەی وەرگرتووە.

وەزیری تەندروستی سعودیە گەشبینی نیشانداوە لەبارەی دابەشکردنی ڤاکسینەکە و بە “سەرەتایەک بۆ کۆتاییهێنان بە قەیرانی کۆرۆنا لە وڵاتەکە” ناویبردووە.

بەحرەینیش کە ڤاکسینی سینۆفارم-ی لە چین کڕیووە، چەندین گەورە بەرپرسانی وڵاتەکەش ڤاکسینەکەیان لێدراوە لە نێویشیاندا حەمەد بن عیسا پادشای بەحرەین.

ئەمە لەکاتێکدایە لە سعودیە زیاتر لە 360 هەزار کەس و لە بەحرەین زیاتر لە 89 هەزار کەس تووشی کۆرۆنا بوون و بە هەزاران کەسیش گیانیانلەدەستداوە

 

بەشی بکە لە
Previous Next
Close
Test Caption
Test Description goes like this