دوای وڵاتی کوەیت، سعودیەش گەشتەکانی لەگەڵ وڵاتی بەریتانیا راگرت

0
269

SNN

پاش بڵاوبوونەوەی ڤایرۆسێکی نوێی کۆرۆنا لە بەریتانیا کە کاریگەری زیاترە و خێراتریش بڵاودەبێتەوە، بەهۆی بازدانێکی جینی تێیدا، دوێنی وڵاتی کوەیت سەرجەم گەشتە ئاسمانییەکانی لەگەڵ بەریتانیا راگرت و ئەمڕۆش سعودییە هەمان کاری ئەنجامدا.

سەرچاوەکانی هەواڵی سعودییە لەزاری سەرچاوەیەکی باڵا لە وەزارەتی ناوخۆی وڵاتەکەیان بڵاویانکردوەتەوە، تاوەکو وەرگرتنی زانیاری سەرەتایی لەسەر بڵابونەوەی ڤایرۆسێکی نوێی کۆرۆنا لەبەریتانیا و بەشێک لەوڵاتانی دیکە و گرتنەبەری رێکاری خۆپارێزی، حکومەت ژمارەیەک هەنگاوی پێشوەخت دەگرێتەبەر.

ئاماژە بەوەشکراوە، رێکارەکانیش بریتین لە راگرتنی گەشتە نێودەوڵەتییەکان بەشێوەیەکی کاتی بۆ ماوەی هەفتەیەک و ئەگەری درێژکردنەوەی بڕیارەکە بۆ هەفتەیەکی دیکەش هەیە، بەڵام هاووڵاتییانی بیانی دەتوانن بۆگەڕانەوە بۆ وڵاتەکانیان گەشتەکانیان ئەنجام بدەن، مات هانکۆک وەزیری تەندروستئی بەریتانیا رایگەیاندوە، ڤایرۆسە نوێیەکەی کۆرۆنا ” لەکۆنتڕۆڵ دەرچووە” و لەسەر حکومەت پێیوستە بەگوێرەی توانا قەرەباڵغی کەمبکاتەوە، چونکە “ئەستەمە پەتا نوێیەکە تا دابەشکردنی ڤاکسینی کۆرۆنا لەژێر کۆنتڕۆڵدا بمێنێتەوە”.

بەشی بکە لە
Previous Next
Close
Test Caption
Test Description goes like this