دابەشکردنی مووچە لە عێراق راگیرا

0
911
مووچە

SNN

میدیای عێراق ئەمڕۆ دووشەممە بڵاویکردووەتەوە کە دابەشکردنی مووچەی فەرمانبەرانی عێراق بۆ مانگی کانوونی یەکەم بەهۆی نەمانی پارەی نەختینەوە راگیراوە.

سەرچاوەیەکی دارایی ئەمڕۆ بە ئاژانسی هەاڵی سۆمەریەی وتووە “سەرەڕای دەنگدانی پەرلەمان بە یاسای قەرز و بەهۆی بەرزبوونەوەی بەهای دۆلار و نەمانی نەختینەوە دابەشکردنی مووچە راگیراوە”.

لە رۆژی 13ی ئەم مانگەوە وەزارەتی دارایی عێراق دەستیکردووە بە پێدانی مووچە بە سەرجەم وەزارەت و دەستەکان کە مووچەی مانگی (کانونی یەکەم) ی فەرمانبەرانە.

دوێنێ یەکشەممە بانکی ناوەندیی عێراق بە نووسراوی رەسمی ئاگاداری لقەکانی خۆی لە بانکەکانی عێراق کردەوە کە بڕیاری گۆڕینی بەهای دۆلار بەرامبەر بە سێ جۆر لە نرخ بە دینار جێبەجێبکەن.

بەپێی نووسراوەکە:

145 هەزار دینار نرخی کڕینی 100 دۆلارە لە وەزارەتی دارایی.

146 هەزار دینار نرخی فرۆشتنی 100 دۆلارە لە پەنجەرەی دراوە بیانییەکان لە بانکەکاندا.

147 هەزار دینار نرخی فرۆشتنی 100 دۆلارە بە سوودمەندی کۆتایی کە دەچێت لە بانک پارە دەگۆڕێتەوە.

بەشی بکە لە
Previous Next
Close
Test Caption
Test Description goes like this