یانەی بەرشەلۆنە کومان بێهیوا دەکات

0
828
رۆناڵد کومان
SNN Sport
 
بە پێی زانیاری میدیاکانی ئیسپانیا، یانەی بەرشەلۆنە کومانی بێهیوا کردووەو ئامادە نین گرێبەست لەگەڵ ئیریک گارسیا لە گواستنەوەکانی زستانەی داهاتوو بکەن.
لە ماوەی رابردوو کومان داوای لە ئیدارەی یانەکەی کردبوو بەهۆی زۆری پێکانەکان و لاوازی هێڵی بەرگری گرێبەست لەگەڵ ئیریک گارسیا بکەن،بەڵام ئەوان ئامادە نەبوون.
 رادیۆی کەتەلۆنیا کە زۆر نزیکە لە یانەی بەرشەلۆنەوە بڵاویکردووەتەوە،یانەکە بە رۆناڵد کومانی راگەیاندووە لە گواستنەوەکانی زستانەی مانگی یەکی سەرەتای ساڵی داهاتوو ناتوانێت گرێبەست لەگەڵ ئیریک گارسیا بکات.
بەمەش چاوەڕوان دەکرێت یانەی بەرشەلۆنە لە هاوینی داهاتوو ئەم یاریزانەی یانەی مانچستەرسیتی بۆ ریزەکانی بگوازێتەوە، چونکە ئەوکات گرێبەستی لەگەڵ یانەکەی تەواو دەبێت و بێبەرامبەر دەتوانێت لەگەڵ یانەی بەرشەلۆنە گرێبەست واژوو بکات.
ئیریک گارسیا ئیسپانیەو تەمەنی 21 ساڵە، لە دڵی بەرگری یاری دەکات،لە ئێستادا یانەی لیڤەرپوڵ کێبڕکێی بەرشەلۆنە دەکات بۆ گواستنەوەی ئەم یاریزانە.
یانەی بەرشەلۆنە پیکێی بۆ 6 مانگ لە دەستداوە، ئەمەش بەهۆی پێکان لە ئەژنۆیداو بەوهۆیەوە لەم وەرزە یانەکە بە دەست خراپی هێڵی بەرگرییەوە دەناڵێنێت.
 
بەشی بکە لە
Previous Next
Close
Test Caption
Test Description goes like this