پابەندنەبوونی كۆمپانیاكان هۆكارە بۆ پیسبوونی هەوای كوردستان

0
430

SNN- بڕیار محەمەد

بەڕێوەبەری كاروباری هونەری لە دەستەی پاراستن و چاككردنی ژینگەی هەرێمی كوردستان ئاشكرای دەكات بەهۆی پابەند نەبوونی كۆمپانیاكان و زۆربوونی ژمارەی ئۆتۆمبێل هۆكارێکە بۆ پیسبوونی هەوای هەرێمی كوردستان.

عەبدولرەزاق خەیلانی، بەڕێوەبەری كاروباری هونەری لە دەستەی پاراستن و چاككردنی ژینگەی هەرێمی كوردستان بە SNNی راگەیاند : زۆربوونی كۆمپانیاكن و پابەند نەبوونیشیان بە رێنمایەكانی ژینگە هۆكارێكن بۆ پیسبوونی هەوای هەرێمی كوردستان و هۆكارێکی تریش ئەوەیە لە ئێستادا ژماریەكەی زۆر ئۆتۆمبێل لە هەرێمی كوردستان بوونی هەیە ئەمەش هۆكارێكی ترە بۆ پیسبوونی ژینگەو بەتایبەتی هەوا .

وتیشی “لە ماوەی رابردوو بە دەیان كۆمپانیامان سزاداوە بەهۆی پابەندنەبوونیان بە رێنمایە ژینگەیەكان، بەڵام تاوەكو ئێستا ژماریەك كۆمپانیا پابەندنابن بە رێنمایە ژینگەیەكان ئەمەش مەترسی لەسەر ژینگەی هەرێمی كوردستان دروستكردووە”.

ئەوەشی خستەڕوو، بۆیە ئەمڕۆ لەگەڵ دەستەی پاراستن و چاككردنی ژینگەی عێراق كۆبووینتەوە بۆ ئەوەی بە هەردوولامان هەوڵبدەین خۆگونجاندنێك دروستبكەین تا لە داهاتوو بتوانین ژینگەیەكەی تەندروست بە هەموولا دروست بكەین”.

راشیگەیاند: ئەمە یەكەم كۆنفراس نییە لە نێوان ئێمەوە دەستەی ژینگەی عێراق، بەڵكو چەند مانگێک پێش ئێستاش لەگەڵیان كۆبووینەوە و لە كۆبوونەوەكەماندا باسمان لە ڕیگا چارەكانی پیسبوونی ژینگە و ئاو هەواكرد و ئەوەی ئەمڕۆش تایبەت بە پرسی خۆگونجاندن لەگەڵ كەش و هەوای ئێستای عێراق و هەرێمی كوردستان .

بەشی بکە لە
Previous Next
Close
Test Caption
Test Description goes like this