داوای بانگهێشتکردنی کازمی و تیمی دارایی حکومەتی عێراق دەکرێت بۆ لێپێچینەوە

0
207

SNN

ژمارەیەک پەرلەمانتاری ئەنجوومەنی نوێنەرانی عێراق ئەمڕۆ دووشەممە رایانگەیاند “داوای بەستنی دانیشتنێکی نائاساییان کردووە بۆ لێپێجینەوە لە حکومەتی عێراق”.

ئەو پەرلەمانتارانە ژمارەیان 28 پەرلەمانتارە و داوایانکردووە هەریەک لە سەرۆکوەزیرانی عێراق و وەزیری دارایی و پارێزگاری بانکی ناوەندی بێنە دانیشتنەکەوە.

ئەو پەرلەمانتارانە رۆژی دانیشتنەکەیان بۆ چوارشەممەی داهاتوو دیاریکردووە تا حکومەتی عێراق لێپێچینەوەی لەگەڵ بکرێت لەسەر ئەو دۆخەی ئێستا هاتووەتە ئاراوە پاش بەرزکردنەوەی بەهای دۆلار لەلایەن بانکی ناوەندییەوە.

لە بەیاننامەیەکی ئەو پەرلەمانتارانەدا هاتووە “دەبێ لێپرسینەوەی لە مستەفا کازمی و تیمە داراییەکەی بکرێت بەوەی هۆکار چییە دۆخی پارە و خەرجی گەیشتووە بەم رۆژە”.

دروستبوونی ئەم دۆخە داراییە ناهەموارە لەکاتێکدایە دوێنێ بانکی ناوەندیی عێراق، نرخی فرۆشتنی هەر دۆلارێکی بە 1450 دینار دیاریکردووە هۆکارەکەشی بۆ قەیرانی کەمبوونەوەی داهات بەهۆی دابەزینی نرخەکانی نەوت، گەڕاندووەتەوە.

بەشی بکە لە
Previous Next
Close
Test Caption
Test Description goes like this