دانیشتووانى گوندى كۆرى له‌ هه‌ولێر داواى پاراستنى به‌شى سه‌وزایی پرۆژه‌كه‌ ده‌كه‌ن

0
140

SNN – بڕیار محه‌مه‌د
دانیشتووانى گوندى كۆرى له‌ شارى هه‌ولێر نیگه‌رانن له‌وه‌ى به‌شى سه‌وزایی پرۆژه‌كه‌یان به‌ر شەقامی 150 مەتری ھەولێر و پرۆژه‌یه‌كى ترى نیشته‌جێبوون ده‌كه‌وێت، سه‌رۆكى لیژنه‌ى شاره‌وانیش له‌ په‌رله‌مانى كوردستان ده‌ڵێت: “سه‌ردانى وه‌زاره‌تى شاره‌وانى ده‌كه‌ین به‌ مه‌به‌ستى به‌دواداچوون كردن بۆ داواكارییه‌كانیان”.

لوقمان وەردی، سەرۆکی لیژنەى شاره‌وانی لە پەرله‌مانی کوردستان بە SNNی راگەیاند: “لەگەڵ ژمارەیەک لە دانیشتووانی گوندی کۆری کۆبووینەوە، لە کۆبوونەوەکەشدا ئەوان چه‌ند داواكارییه‌كیان خسته‌ڕوو له‌وانه:‌ دەروازەی گوندەکە بەھۆی پرۆژەی تازەی نیشتەجێبوون بەرەو رووی شه‌قامى 150 مەتری دانەخرێت، شوێنی سەوزایی بەردەم دەروازەکە بەر پرۆژەکە نەکەوێت و پارێزگاری لە ناوچەی سەوزایی بکرێت، دوو بیری ئاوی لێیە کە ئاوی خواردنەوەی پرۆژه‌كه‌ دابیندەکه‌ن و دەکەونه‌ ناوچەی سەوزایی بەردەم گوندی کۆری پارێزگارییان لێبکرێت”.

وتیشى: “دانیشتووانى پرۆژه‌كه‌ داوایانكرد،‌ لیژنەی شارەوانی سەردانێكی مه‌یدانی گەڕەکەکەیان بکات بۆ زیاتر ئاگاداربوون لە کێشەکان و ھەوڵدان بۆ چارەسەرکردنییان، ھەر هه‌مان رۆژ شاندێکی لیژنەی شارەوانی سەردانی گەڕەکەکەمان کرد و لەنزیکەوە لەگەڵ دانیشتووانه‌كه‌ى كۆبووینه‌وه‌ و بۆمان ده‌ركه‌وت كه‌ داواكارییه‌كانیان ره‌وان”.

له‌باره‌ى به‌دواداچوونكردن بۆ كێشه‌ى ئه‌و هاووڵاتییانه‌ سەرۆکی لیژنەى شاره‌وانی لە پەرله‌مانی کوردستان ئه‌وه‌شى خسته‌ڕوو: “ئێمه‌ وه‌ك لیژنه‌ى شاره‌وانى، سه‌ردانى وه‌زاره‌تى شاره‌وانى ده‌كه‌ین به‌مه‌به‌ستى له‌نزیكه‌وه‌ ئاگاداربوون له‌ كێشه‌ى ئه‌و هاووڵاتییانه‌”.

گوندی کۆری دەکەوێتە نێوان شەقامی 150 مەتری ھەولێر و ناحیەی بەحرکە لەئێستادا هه‌زار و 500 خێزان نیشتەجێى ئەو پرۆژه‌یه‌ن، پێشتر وەک یەکەی نیشتەجێبوون بەسەر کرێنشینان و کەسانی کەمدەرامەتدا دابەشکراون.

بەشی بکە لە
Previous Next
Close
Test Caption
Test Description goes like this