“پرۆژه‌یاساى بودجه‌ ته‌نیا كاریگه‌رى له‌سه‌ر مووچه‌ى پله‌ باڵاكان ده‌بێت”

0
281
مسته‌فا كازمى، سه‌رۆكوه‌زیرانى عێراق | فۆتۆ: نووسینگه‌ى سه‌رۆكوه‌زیران

SNN
ئه‌مڕۆ دووشه‌ممه‌ سه‌رۆكوه‌زیرانى عێراق رایگه‌یاند: پرۆژه‌یاساى بودجه‌ ته‌نیا كاریگه‌رى له‌سه‌ر مووچه‌ى پله‌ باڵاكان ده‌بێت، وتیشى: “توركیا ئاماده‌یه‌ به‌ بڕى پێنج ملیار دۆلار هاوكارى دارایی عێراق بكات”.

له‌پاش كۆبوونه‌وه‌ى ئه‌نجوومه‌نى وه‌زیران و په‌سه‌ند كردنى پرۆژه‌یاساى بودجه‌ و ره‌وانه‌كردنى بۆ په‌رله‌مانى عێراق كه‌مێك له‌مه‌وبه‌ر مسته‌فا كازمى، سه‌رۆكوه‌زیرانى عێراق كۆنگره‌یه‌كى رۆژنامه‌وانى ئه‌نجامدا و وتى: “پرۆژه‌یاساى بودجه‌ ته‌نیا كاریگه‌رى له‌سه‌ر مووچه‌ى پله‌ باڵاكان ده‌بێت، كاریگه‌رى له‌سه‌ر مووچه‌ى فه‌رمانبه‌رانى ئاسایی نابێت”.

سه‌رۆكوه‌زیرانى عێراق به‌شێكى ترى قسه‌كانى تایبه‌ت كرد به‌و ده‌ستكه‌وتانه‌ى كه‌ له‌ سه‌ردانه‌كه‌یدا بۆ توركیا به‌ده‌ستیهێناون و ئه‌وه‌شى خسته‌ڕوو: “توركیا ئاماده‌یه‌ به‌ بڕى پێنج ملیار دۆلار هاوكارى دارایی عێراق بكات”.

له‌باره‌ى بۆردومانه‌كانى ناوچه‌ى سه‌وزیشه‌وه‌ مسته‌فا كازمى ئه‌وه‌ى خسته‌ڕوو: “له‌دواى لێكۆڵینه‌وه‌كانمان بۆمان ده‌ركه‌وت ژماره‌یه‌ك هاووڵاتى بوونه‌ته‌ قوربانى بۆردومانه‌كانى ناوچه‌ى سه‌وز، چه‌ند گومانلێكراوێكیش به‌هۆى هێرشه‌كه‌وه‌ ده‌ستگیر كراون، من پێموایه‌ ئه‌و هێرشانه‌ تیرۆریستى و ترسنۆكانه‌ن”.

له‌ كۆتایی قسه‌كانیدا سه‌رۆكوه‌زیرانى عێراق باسى له‌وه‌شكرد:” وه‌زاره‌تى ته‌ندروستى گرێبه‌ستى كڕینى ڤاكسینى كۆرۆناى له‌گه‌ڵ چه‌ند كۆمپانیایه‌ك واژوو كردووه‌”.

 

بەشی بکە لە
Previous Next
Close
Test Caption
Test Description goes like this