بەرواری ده‌ستپێكردنی خولی فوتساڵ و یاریگای كراوه‌ی خانمانی نایابی عێراق دیاری كران

0
84
یەکێتیی تۆپی پێی عێراق

SNN Sport

لیژنه‌ی خانمان له‌ ده‌سته‌ی ئاساییكردنه‌وه‌ی یه‌كێتیی تۆپی پێی عێراق كۆبوونه‌وه‌یه‌كی له‌گه‌ڵ نوێنه‌ری یانه‌ به‌شداربووه‌كان له‌ ركابه‌رییه‌كانی وه‌رزی نوێی خولی فوتساڵ و یاریگای كراوه‌ی خانمان ئه‌نجامدا و تیایدا بریاردرا خولی فوتساڵ ركابه‌رییه‌كانی رۆژی 8ی مانگی داهاتوو و خولی یاریگای كراوه‌ رۆژی 15ی هه‌مان مانگ به‌رێوه‌بچن.

ئه‌سعه‌د لازم له‌ به‌یاننامه‌ی ده‌سته‌ی ئاساییكردنه‌وه‌ وتی:”ده‌سته‌كه‌ پێداگره‌ له‌ سه‌ر به‌ره‌وپێشبردنی تۆپی پێی خانمان له‌گه‌ڵ هه‌وڵدانی راسته‌قینه‌ بۆ دابینكردنی سه‌رجه‌م پێداویستییه‌كانی سه‌ركه‌وتن له‌ قۆناغی داهاتوو و ئاماده‌كردنی كه‌شه‌ گونجاوه‌كان  بۆ پێكهێنانی  هه‌ڵبژارده‌ نیشتمانییه‌كان له‌ رێگەی بایه‌خدان به‌ خولی  خانمان”.

له‌ لایه‌ی خۆیه‌وه‌ ئه‌زهار محه‌مه‌د سه‌رۆكی لیژنه‌ی خانمان دووپاتی كرده‌وه‌و وتی:” گوێ له‌و ئاسته‌نگیانه‌ گیرا كه‌ رووبه‌ڕووی یانه‌كان ده‌بێته‌وه‌ رێگرییان لێده‌كات له‌ به‌شدارینه‌كردن له‌ خوله‌كه‌ ، له‌ میانه‌ی كۆبوونەوە‌كه‌ ئاماده‌بووان رێكکه‌وتن له‌ سه‌ر دیاریكردنی بەرواری ده‌ستپێكردنی خولی فوتساڵ لە رۆژی 8ی مانگی داهاتوو ،  رۆژی 15ی هه‌مان مانگ دیاری كراوە بۆ ده‌ستپێكردنی خولی یاریگای كراوه‌ی خانمان  و رۆژی 29ی ئه‌م مانگه‌ش دیاری كرا بۆ تیروپشكی هه‌ردوو خوله‌كه‌ و وه‌رگرتنی كشوفاتی تایبه‌ت به‌ كچه‌ یاریزانه‌كان.

بەشی بکە لە
Previous Next
Close
Test Caption
Test Description goes like this