ئەندامێکی لیژنەی دارایی عێراق “داهاتێکی زۆری عێراق دەبرێت بۆ وڵاتانی دراوسێ”

0
277

SNN

عەدنان زەرفی ئەندامی لیژنەی دارایی لە ئەنجوومەنی نوێنەرانی عێراق رایگەیاند: دابەزاندنی بەهای دینار بەرامبەر دۆلاری ئەمریکی هەنگاوێکە بۆ پڕکردنەوەی کورتهێنانی بودجەی عێراق، حکومەتی عێراق لە ماوەی چەند ساڵێکە بەهای دیناری بە بەرزی بەرامبەر دۆلار هێشتۆتەوە ئەویش لەبەر چەند مەبەستێکی سیاسی و ناوچەی.

زەرفی لە چاوپێکەوتنیکی تەلەفیزیۆنیدا ئاماژەی بەوەکرد: دەسەڵاتی سیاسی لە عێراق هەڵەی زۆر گەورەی لەدوای ساڵی 2003وە کردووە، بەتایبەت لە دامەزراندنی پێشوومار و خەرجکردنی داهات بەشێوەی هەڕەمەکی و بێ پلان، لەگەڵ ئەوەشدا جیاوازییەکی بێشوومار هەبووە لەنێوان داهات و خەرجیدا، بەجۆرێک خەرجییەکی بێشومار هەبووە بەبێ ئەوەی هیچ جۆرە داهاتێک تەنیا داهاتی نەوتی نەبێت بێتەوە شوێنی.

وتیشی” حکومەتی عێراق لە دوای ساڵی 2003وە چەندینجار یاری بە بەهای دیناری عێراقی بەرامبەر دۆلار کردووە، ئەمەش وایکردووە کاریگەری راستەوخۆ بکاتە سەر کەرتەکانی کشتوکاڵ و پیشەسازی کە بڕبرەی پشتی ئابووری هەموو وڵاتێکە، لەکاتی ئێستادا حکومەت داهاتی تەواوی لەبەردەستدا نییە تا مووچەی هاووڵاتییان دابەشبکات، لای هەمووانیش ئاشکرابوو کە تاکە سەرچاوەی داهاتی عێراق نەوتە و لەگەڵ دابەزینی بەهاکەی وەک ئەوەی لەمساڵدا ڕوویدا عێراق تووشی کارەساتیکی ئابووری گەورە دەبێتەوە”.

زەرفی لە درێژەی قسەکانیدا وتی” من دەزانم کە بەشێک لە داهاتی عێراق بە دۆلار بۆ چەند لایەنێکی سیاسی و چەند وڵاتێک دەڕوات، گەر ڕێگری لەمانە بکرێت کاریگەری راستەوخۆی لەسەر داهاتوو ئابووری عێراق دەبێت”.

لە بەشێکی دیکەی قسەکانیدا ئاماژی بەوەکرد: ئاڵوگۆرێکی زۆر گەورەی دۆلار هەیە لە نێوان عێراق و تورکیا عێراق و ئێران، کە ئەم مامەڵەیە بە دۆلار دەکرێت، ئەو بابەتانەشی کە دێتە نێو عێراقە بابەتی خۆراک و جلوبەرگە و هیچ بابەتێکی بەرهەمهێنان و پێشەسازی تێدا نییە، ئەمەش وادەکات دیسانەوە بڕێکی زۆر دۆلار برواتە ئەو وڵاتانەو لە بەرامبەردا پێداویستی رۆژانە بێتە نێو عێراق کە هیچ سودیک بە ئابووری عێراق نەگەیەنێت.

بەشی بکە لە
Previous Next
Close
Test Caption
Test Description goes like this