جۆرە نوێکەی کۆرۆنا زیاتر تووشی منداڵان دەبێت

0
144

SNN

جۆرێکی نوێی ڤایرۆسی کۆرۆنا لە بەریتانیا بڵاوبووەتەوە و بەگوێرەی پسپۆڕانیش زۆرینەی تووشبووەکان منداڵن.

نیڵ فێرگسن پرۆفیسۆر و ئەندامی دەزگای نێرڤتاگ-ی تایبەت بە توێژینەنوە لەسەر نەخۆشییە ڤایرۆسیەکان، لەوبارەیەوە بە سکای نیوزی بەریتانی وتووە: “ئامار و زانیارییەکان دەریدەخەن کە جۆرە نوێکەی کۆرۆنا زیاتر  تووشی منداڵ دەبێت، ئەگەرچی تا ئێستا هیچ منداڵێک بەوهۆیەوە گیانیان لەدەستنەداوە”.

وتیشی: ئەو داتایانەی کە لە ماوەی پێنج بۆ شەش هەفتەی رابردوودا کۆمانکردوونەتەوە ئەوە دەردەخەن زیاتر تووشبووەکان تەمەنیان لە خوار 15 ساڵەوەیە، بەڵام زانیاری پێویستمان لەبەردەستدا نییە تا بتوانین ئامارەکان بخەینەڕوو.

ئەمە لەکاتێکدایە هۆشداری لەبارەی جۆرێکی نوێی ڤایرۆسی کۆرۆنا دەدرێت کە لە بەریتانیا بڵاوبووەتەوە، دوێنێش سامان بەرزنجی وەزیری تەندروستی هەرێم هۆشداریدایە بەڕێوەبەرایەیتییەکانی تەندروستی لە هەرێم کە بە وردی چاودێری رەوشی تەندروستی ئەو گەشتیارانەبن کە لە بەریتانیاوە دێنە هەرێم.

 

بەشی بکە لە
Previous Next
Close
Test Caption
Test Description goes like this