وەزیری بەرگری ئیسڕائیل” بەنهێنی سەردانی تەواوی وڵاتانی عەرەبیم کردووە”

0
160

SNN

بینی گانتس وەزیری بەرگری ئیسرائیل رایگەیاند: بەنهێنی سەردانی ھەموو دەوڵەتانی عەرەبیم كردووە “بەڵام بە بەنھێنی و بۆ ئەنجامدانی ئەركە سەربازییەكان”، حەزی خۆشی دەربڕی لەوەی “بەئاشكرا و بەشێوەیەكی فەرمی و دۆستانە و ئاشتییانە” سەردانیان بكات.

گانتس بە رۆژنامەی الشرق الاوسط-ی راگەیاند: داوای لە سەركردایەتی فەلەستینی و سەرۆكی فلەستین، مەحموود عەباس كرد، خۆی بخاتە نێو رێڕەوی ئاشتی و لە ریزەكانی دواوە نەمێنێتەوە، جەختیشیكردەوە “فلەستینییەكان دەیانەوێت و شایستەن قەوارەیەكیان ھەبێت و بەشێوەیەكی سەربەخۆ تێیدا بژین”.

وتیشی “من 38 ساڵم وەك چەكدار لە سوپای ئیسرائیلدا بەسەربرد، بڕوام پێبكە، ئەو جەنەڕاڵانەی لە سوپادان و نەھامەتییەكانی جەنگیان بینی و چێشتیان، ئەوان لە ھەموویان زیاتر ئاشتییان دەوێت. لەنێوان جەنەڕاڵەكانی لای خۆمانیش، دەتوانم بە ھەموو بڕوایەكەوە بڵێم، من لە ھەموویان زیاتر بەدوای ئاشتییەوەم، ئاشتی لەگەڵ دەوڵەتانی عەرەبی، ھاوپەیمانییەتی نێوان ھێزە میانڕەوەكانە، كە دەربڕین لە خواستی راستەقینەی ھاووڵاتیان دەكات”.

 

بەشی بکە لە
Previous Next
Close
Test Caption
Test Description goes like this