داوای سزای تووند بۆ بکوژی زەهرا و حەورا دەکرێت

0
709

SNN

رووداوی کوشتنی دوو خوشک شەقامی بەغدای وروژاندووە و تۆڕە کۆمەڵایەتییەکانی تەنیوە، کاتێک رۆژی شەممە برایەکیان لەژێر کاریگەریی ماددەی هۆشبەردا هەردووکیانی بە فیشەک کوشت.

دوێنێ وەزارەتی ناوخۆی عیراق لەراگەیەندراوێكدا ئاماژەی بەوەدا، هێزەكانیان لە شاری سەدری رۆژهەڵاتی بەغدا لێكۆڵینەوەیان كردووە لە رووداوی كوژرانی دوو خوشك لەلایەن برایەكیانەوە.

راشیگەیاند: تاوانبارەكە لەژێر كاریگەری خواردنەوە كهولییەكاندا ئەو كارەی ئەنجامداوە، وەزارەتی ناوخۆی عیراق ئاشكراشیكرد: لە كاتی لێكۆڵینەوەدا بكوژەكە دانی بە هۆكاری كوشتنی دوو خوشكەكەی ناوە و هۆكارەكەشی بۆ پاساوی شەرەف گێڕاوەتەوە.

لەکاتی ئەنجامدانی تاوانەکەدا براکەی ئەو دوو کچە بە ماددەی هۆشبەر کاریگەر بووە و خوشکێکی بە 6 فیشەک و ئەویتریشیانی بە 4 فیشەک پێکاوە و دەمودەست گیانیان سپاردووە.

زانیارییە هەواڵییەكان باس لەوەشدەكەن، لەکاتی ئەنجامدانی تاوانەكەدا سەرەتا بکوژەکە دەستی حەورای بە شوشە بریندار كردووە، پاشان شەش گوللـەی پێوەناوە، دواتر كاتێك زەهرا هەوڵیداوە داوای هاوكاری لە دراوسێكان بكات، چوار فیشەكی بەیشەوە ناوە و خۆی ون کردووە.

ئەو دوو خوشكە کە ناویان حەورا و زەهرایە و خوێندكاری زانكۆی “ئیمام سادق” بوون لە بەشی یاسا، بەپێی میدیا عێراقییەکان، بە بەردەوامی براکەیەن ئەشكەنجە و ئازاریداون.

بەکارهێنەرانی تۆڕە کۆمەڵایەتییەکان هاشتاگی (مافی زەهرا و حەورا)یان بڵاوە پێکردووە و داوای دادگاییکردنی بکوژەکە دەکەن و شەقامی عێراقی بەو تاوانە زۆر کاریگەرن، ئەویش پاشئەوەی پۆلیسی کەربەلا دەستگیرکردنی راگەیاند لە ئۆپراسیۆنێکدا لە شاری سەدر.

تۆڕە کۆمەڵایەتییەکان بەتایبەتی تویتەر بەکارهێنەرێکی زۆر لەڕێگەیەوە داوای تووندترین سزا دەکەن بۆ بکوژەکە و رووداوەکەیان بە شەرمێکی گەورە لەقەڵەمداوە بە تەوێڵی عێراقییەکانەوە.

بەشی بکە لە
Previous Next
Close
Test Caption
Test Description goes like this