حکومەتی عێراق لە بڕیارێکی ترەمپ نیگەرانە

0
115

SNN

وەزارەتی دەرەوەی عێراق بەنیازە لەگەڵ هاوتا ئەمریکییەکەی، تاوتوێی بڕیارێکی سەرۆکی ئەمریکا بکەن و داوای چاوخشاندنەوە بکات پاش لێخۆشبوونی چەند تاوانبارێکی ئەمریکی کە دەستیان بە خوێنی هاووڵاتی عێراق سوورە.

رۆژی سێشەممە دۆناڵد ترەمپ لە 15 کەس خۆش بوو، کە کارمەندی گرێبەستی حکومەتی ئەمریکای تێدایە و لەساڵی 2007 بە ئەنجامدانی کوشتنی بە کۆمەڵ لەلایەن دادگاکانی بەغداوە تاوانبار کرابوون.

وەزارەتی دەرەوەی عێراق لەبەیاننامەیەکدا دەڵێت: “نیگەرانین لەو بڕیارەی سەرۆک ترەمپ کە بکووژانی 14 هاووڵاتی عێراقی ئازاد کردووە بە لێبووردنی گشتی”.

دەشڵێت: “ئەم بڕیارەی سەرۆکی ئەمریکا نایەتەوە لەگەڵ پێودانگەکانی مافی مرۆڤ و لەگەڵ ئاستی قورسیی تاوانەکەدا پێچەوانەیە”.

وەزارەتی دەرەوەی عێراق رایدەگەیەنێت “لەگەڵ هاوتا ئەمریکییەکەی لە هەوڵدان چاو بە بڕیارەکەدا بخشێنرێتەوە، چونکە تاوانەکە لەو ئاستەدا نییە ئەنجامدەرانی ئازاد بن”.

دۆناڵد ترەمپ بە بڕیارێکی سەرۆکایەتی 4 بەندکراوی بە لێبووردنی گشتی ئازاد کرد کە کارمەندی کۆمپانیای بلاک ۆتەر بوون و دەستیان سوورە بە کووشتنی 14 هاووڵاتی عێراقی و بریندارکردنی 20ی دیکە لە گۆڕەپانی نسوور لەناو شاری بەغدا لە رۆژی 16ی ئەیلوولی ساڵی 2007.

بەشی بکە لە
Previous Next
Close
Test Caption
Test Description goes like this