روسیا.. 5 نەخۆش کۆرۆنا نەیکوشتن، ئاگر سووتاندنی

0
278

SNN-

لەشاری سان بترسبێرگ-ی روسیا، بەهۆی گڕگرتنی ئامێری هەناسەدانەکەیانەوە پێنج نەخۆش کە تووشبووی کۆرۆنا بوون، سووتان و گیانیان لەدەستدا.

رووداوەکە لەنەخۆشخانەی سان جۆرج-ی شاری بترسبێرگ-ی روسیا روویداوە و پۆلیس دەستیکردووە بە لێکۆڵینەوە لەبارەی چۆنێتی مردنی ئەو نەخۆشانەوە.

بەرپرسانی نەخۆشخانەکە بەئاژانسی ئیتەرتاس-ی روسییان وتووە “ئاگرەکە لە بەشی چاودێری وردی نەخۆشخانەکە کەوتۆتەوە و لەپاش نیو کاتژمێر کۆنترۆڵکراوە”.

هاوکات ئاژانسی ئینتەرفاکس بڵاویکردەوە “ئاگرەکە بەهۆی کەموکورتی بووە لە ئامێری هەناسەدانی سەر دەمی نەخۆشەکان و ئەو کارەساتەی لێکەوتۆتەوە”.

ئەمە یەکەمجار نییە لەنەخۆشخانەکانی روسیا ئاگر دەکەوێتەوە، رۆژی شەممەش ئاگرێکی دیکە لەنەخۆشخانەی سباسۆکۆکۆتسکی لەشاری مۆسکۆ کەوتەوە و پەرستارێک گیانی لەدەستدا و زیانێکی گەورەش بەر بیناکە کەوت.

لەڕووسیا 220 هەزار کەس تووشی کۆرۆنا بوون و زیاتر لە 2009 کەسی دیکەش بەو ڤایرۆسە گیانیان لەدەستداوە.

بەشی بکە لە
Previous Next
Close
Test Caption
Test Description goes like this