لە ئەمشەوەوە هاتووچۆی گەشتیاری لە مەرزی نێودەوڵەتی باشماخ رادەگیرێت

0
290
باشماخ

SNN-عەلی حەمە سەعید
لەسەر فەرمانی وەزارەتی ناوخۆ و بە مەبەستی ڕێگریكردن لە بڵاوبوونەوەی ڤایرۆسی كۆرۆنا و هەروەها ڕێگریكردن لە بڵاو بوونەوەی جۆرە نوێیەكەی ڤایرۆسی كۆرۆنا، لەكاتژمێر 12ی ئەمشەوە بۆ ماوەی دوو هەفتە هاتووچۆی گەشتیاری بە هەموو شێوەیەك ڕادەگیرێت و ئەو هاووڵاتیانەشی دەگەرێنەوە بۆ ماوەی 14 ڕۆژ كەرەنتینە دەكرێن.

ئیسماعیل عەلی ئاغا، لێپرسراوی ڕاگەیاندن و پەیوەندییەكانی مەرزی نێودەوڵەتی باشماخ بە SNNی ڕاگەیاند: بە مەبەستی خۆپارێزی زیاتر لە بڵاو بوونەوەی ڤایرۆسی كۆرۆنا بە تایبەت ئەو جۆرە نوێیەی كە لە بەریتانیا سەریهەڵداوە و بەپێ ی نوسراوی ژمارە (٥٧) ی وەزارەتی ناوخۆی حكومەتی هەرێمی كوردستان لەكاتژمێر 12 ی ئەمشەوەوە هاتوچۆكردنی گەشتیاری ڕادەگیرێت و ڕێگەنادرێت بە گەشتكردنی هاوڵاتیانی عێراقی بۆ هەریەكە لە وڵاتەكانی (بەریتانیا ـــ دانیمارك ـــ هۆڵەندا ـــ بەلجیكا ـــ ئوستڕالیا ـــ باشووری ئەفەریقا ـــ ئێران ـــ یابان).

ئاماژەی بەوەشكرد، ئەو هاوڵاتیانەی كە خەڵكی هەرێمی كوردستان و عێراقن كە لە ئێرانەوە یاخود لەهەریەك لەو وڵاتانەی ئاماژەیان پێدراوە دەگەڕێنەوە پێویستە بۆ ماوەی (١٤) ڕۆژ كەرەنتین بكرێن لەسەر ئەركی خۆیان
هەروەك ڕێگەش بە هاتنی كەسانی بیانی كە هەڵگری ڕەگەزنامەی ئەو وڵاتانەن نادرێت.

لێپرسراوی ڕاگەیاندن و پەیوەندییەكانی باشماخ، ئەوەشی خستەڕوو، قەدەغەكردنی هاتووچۆی گەشتیاری لە كاتژمێر12 ی ئەمشەو تا كاتژمێر ١٢ ی شەوی ٢٠٢١/١/١٥ بەردەوام دەبێت، ئێمەش لای خۆمانەوە لەمشەوەوە بڕیارەكە دەخەینە بواری جێبەجێكردنەوە.

بەشی بکە لە
Previous Next
Close
Test Caption
Test Description goes like this