باسێک هەیە پێش جەژنی رەمەزان مووچە لەبەغداوە بنێردرێت

0
1579

SNN

ئەندامێکی پەرلەمانی عێراق رایدەگەیەنێت “باسێکی وا هەیە پێش جەژنی رەمەزان حکومەتی بەغدا مووچەی مانگێکی فەرمانبەران بۆ هەرێمی کوردستان بنێرێت”.

ئەحمەدی حاجی رەشید ئەندامی لیژنەی دارایی لەپەرلەمانی عێراق بە SNNی راگەیاند: لە کۆبوونەوەیەکدا مستەفا کازمی سەرۆکوەزیرانی عێراق باسی ئەوەی کردووە کە مووچەیەک پێش جەژنی رەمەزان دەنێرێت بۆ هەرێمی کوردستان.

وتیشی: “هێشتا یەکلانەبۆتەوە و دڵنیایی نییە لەم قسەیە، بەڵام قسەیەکی وای کردووە و چاوەڕێین بزانین ئەو بەڵێنە دەبرێتە سەر یاخود نا”.

حکوومەتی فیدراڵی بەپێی نووسراوی (1638) لە 19/3/2018 فەرمانی خەرجکردنی بڕی 453 ملیار دیناری بۆ شایستەی دارایی گشت مووچەخۆرانی هەرێمی کوردستان دەرکردووە.

هەرچەندە زیاتر لە 1 ملیۆن و 200 هەزار فەرمانبەر لەهەرێمی کوردستان مووچەخۆرن، بەڵام بەغدا مووچە بۆ 682 هەزار فەرمانبەر دەنێرێت.

هاوکات شیروان میرزا پەرلەمانتار لە لیژنەی دارایی پەرلەمانی عێراق بە SNNی راگەیاند “هەرێمی کوردستان چاوەڕێی بەغدا دەکات وەڵام بدرێتەوە و لەگەڵ گەیشتنی وەڵامی ئەوان بۆ پێشنیازەکانی هەرێم، شاندی حکومەتی هەرێم دەچنەوە بەغدا.

میرزا وتیشی: “هەرێمی کوردستان بەڵێنی داوە بەهەموو شێوەیەک نەوتی فرۆشراوی خۆی رادەستی بەغدا بکات و هیوایەک هەیە رێککەوتنێکی کۆنکرێتی بێتە ئاراوە”.

بەشی بکە لە
Previous Next
Close
Test Caption
Test Description goes like this