وتەبێژی وەزارەتی تەندروستی وادەی دەستپێکردنەوەی خوێندن ئاشکرا دەکات

0
3239

SNNـ بڕیار محەمەد

وتەبێژی وەزارەتی تەندروستی ئاشکرای دەکات سەرەتایی مانگی داهاتوو لیژنەی باڵای ڕووبەڕووبوونەوەی کۆرۆنا کۆدەبێنەوە بڕیار لەسەر وادەی دەستپێکردنەوی پرۆسەی خوێندن دەدات.

دکتۆر ئاسۆ حەوێزی، وتەبێژی وەزارەتی تەندروستی حکومەتی هەرێمی کوردستان بە SNNی راگەیاند: ئێمە تاوەکو ڕۆژی سێ یان چواری مانگی 1ی ساڵی داهاتوو راپۆرتی تەندروستی لەبارەی دۆخی کۆرۆنا ئامادە دەبێت و لە رۆژانی 8 یان 9ی مانگی 1ساڵی داهاتووش لیژنەی باڵای ڕووبەروونەوەی کۆرۆنا کۆدەبێتەوە.

وتیشی “لەکۆبوونەوەکەدا بڕیاری کۆتایی لەسەر پرۆسەی خوێندن دەدرێت و بێگومان وەزارەتی تەندروستی پلانی Bیشی داناوە بۆ هەر ئەگەرێکی نەخوازراو لەداهاتوو مەترسی لەسەر کوردستان دروستبکات”.

سەبارەت بەو جۆرە ڤایرۆسی کۆرۆنایەی پەیدابووە وتەبێژی وەزارەتی تەندروستی ئەوەشی خستەڕوو، وەزارەتی تەندروستی هەموو ئامادەکاریەکمان دەستپێکردوە وشوێنی تایبەتیشمان بەو کەسانە هەیە کە تووشی ئەوڤایرۆسە دەبن، بەڵام تاوەکو ئێستا هیچ تووشبوویەکی کۆرۆنای گۆڕاو تۆمار نەکراوە .

بەشی بکە لە
Previous Next
Close
Test Caption
Test Description goes like this