قۆناغی یه‌كه‌می خولی یانه‌ پله‌ یه‌كه‌كانی كه‌ركوك  كۆتاییهات

0
126
دیمەنێک لە یارییەکی خولەکە

حسێن كه‌ركوكی-SNNsport

قۆناغی یه‌كه‌می خولی یانه‌ پله‌ یه‌كه‌كانی عێراق گروپی كه‌ركوك به‌ره‌و كۆتایی ده‌چێت و لە گروپی  یه‌كه‌م و دووه‌م تیپه‌ سه‌ركه‌وتووه‌كان ئاشکرابوون.

له‌ گروپی یه‌كه‌م هه‌ردوو یانه‌ی مووسه‌ڵا و شۆریجه‌ به‌ كۆی 13 خاڵ سه‌ركه‌وتن بۆ قۆناغی دووه‌می خوله‌كه‌  و له‌ گروپی دووه‌م یانه‌ی دووز به‌ كۆی 13 خاڵ و یانه‌ی داقووق به‌ كۆی 10 خاڵ سه‌ركه‌وتن بۆ قۆناغی دووه‌م .

له‌ گرووپی سێیه‌م یانه‌كانی حه‌ویجه‌ به‌ 12 خاڵ و دووبز به‌ 10 خاڵ سه‌ركه‌وتن بۆ قۆناغی دووه‌م.

ئێواره‌ی ئه‌مرۆ هه‌ینی ( 25/12/2020 ) چه‌ند یارییەک به‌رێوه‌چوون  کە تێیدا له‌ یاریگای مووسه‌ڵا هه‌ردوو یانه‌ی سۆلاڤ و تازه‌ رووبه‌ڕووی یه‌كبوونه‌وه‌و یارییه‌كه‌ش به‌ یه‌كسانبوونیان به‌ گۆڵێك ته‌واو بوو.

له‌ ركابه‌رییه‌كانی گروپه‌كه‌ ، یانه‌ی دووبز  به‌ براوه‌ ئه‌ژماركرا، ئەمەش بەهۆی ئاماده‌نه‌بوونی یانه‌ی ئاشتی ( داقووق ) لە یاریەکە، به‌م ئه‌نجامه‌ش یانه‌ی دووبز كۆی خاڵه‌كانی بوون به‌ 10 خاڵ .

به‌ هه‌مان شێوه‌ یانه‌ی خاك به‌ براوه‌ ئه‌ژمار كرا به‌ ئه‌نجامی 3- سفر،له‌ یاریەکەی به‌رامبه‌ر  به‌ حه‌ویجه‌ ، به‌م شێوه‌ش هه‌ردوو یانه‌ی حه‌ویجه‌ به‌ كۆی 12 خاڵ و یانه‌ی  دووبز به‌ كۆی 10 خاڵ و به‌جیاوازی گۆڵ له‌گەڵ یانه‌ی خاك سه‌ركه‌وتن بۆ قۆناغی دووه‌می خوله‌كه‌ .

له‌ كوتاییدا دوو تیپ سه‌رده‌كه‌ون بۆ پاڵاوتنه‌كانی ناوچه‌ی باكووری خولی پله‌ یه‌كی عێراق.

بەشی بکە لە
Previous Next
Close
Test Caption
Test Description goes like this