بلاسخارت: بۆ چارەسەری کێشەکانی هەولێر و بەغدا لەسەر هێڵین

0
452

SNN-

لەمیانی دانیشتنی تایبەتی ئەنجومەنی ئاسایشی نەتەوەیی سەر بە نەتەوە یەکگرتووەکان لەبارەی عێراق، نوێنەری سکرتێری گشتی لەعێراق وتی: “لەگەڵ حکومەتی عێراق و هەرێمی کوردستان لەسەر هێڵن بۆ چارەسەری پرسە هەڵپەسێردراوەکانی وەک مووچە و بودجە و نەوت”.

جینین بلاسخارت لەڤیدیۆ کۆنفرانسێکدا باسی دۆخی هەرێم و بەغدای کرد و رایگەیاند “ئەوان نێوەندگیریی دەکەن بۆ گەیشتنی هەردوولا بەچارەسەرێک”.

نوێنەری تایبەتی سکرتێری گشتی نەتەوە یەکگرتووەکان ئەوەشی وت: “تائێستا ناکۆکی سیاسی لەعێراق زەقیی پێوە دیارە و پێویستە لایەنەکان خەمی زیاتری وڵاتەکە بخۆن و کابینەکەی کازمی بەزووترین کات کامڵ بکرێت، چونکە هێشتا 7 وەزیر پۆستیان وەرنەگرتووە”.

بەوتەی بلاسخارت، عێراق دووچاری چەندین ئاڵنگاریی بووەتەوە کە کۆرۆنا و پرۆسەی سیاسی و پرسی چاکسازی سیاسین و هەنگاوە سەرەتاییەکانی کازمی-ش بۆ ئەم مەبەستە ئەرێنین.

بەشی بکە لە
Previous Next
Close
Test Caption
Test Description goes like this