قەیس خزعەلی کۆمپانیایەکی بەریتانی تۆمەتبار دەکات لە کوژرانی قاسم سلێمانی-دا

0
714

SNN

ئەمینداری گشتیی عەسائیبی ئەهل حەق کۆمپانیای (G4S)ی بەریتانی تۆمەتبار دەکات بەوەی دەستیان هەبووە لە کوژرانی قاسم سلێمانی و ئەبو مەهدی موهەندیس-دا سەرەتای ئەمساڵ.

قەیس خزعەلی بە کەناڵی عەهد-ی زمانحاڵی بزوتنەوەکەی راگەیاندووە “ئەو کۆمپانیا بەریتانییە کە ئەرکی پاراستنی ئەمنیەتی فڕۆکەخانەی بەغدایە، ئامانجەکانی هێرشەکەی بۆ ئەمریکا دیاریکردووە”.

وتیشی: “پێشتر هەر فڕۆکەیەک بنیشتایەتەوە، ئۆتۆمبێلەکانی ئەم کۆمپانیایە لێی نزیکدەبوونەوە، بەڵام ساتی روودانی هێرشەکە هیچ ئۆتۆمبێلێکی ئەو کۆمپانیایە لەو ناوە نەبوون”.

ئەمینداری گشتیی عەسائیبی ئەهل حەق دەشڵێت: “لە شوێنی رووداوەکە کامێرای تایبەت بە کۆمپانیاکە لەو نزیکانە کەوتوون کە کاری چاودێریکردنی فڕۆکەکەی سلێمانی بووە”.

دوای رووداوەکە عادل عەبدولمەهدی سەرۆکوەزیرانی پێشووی عێراق وتی: “مستەفا کازمی کە سەرۆکی دەزگای ئاسایشی نیشتمانیی بوو لەوکاتەدا، هەڵیسانم لە خەو و رووداوەکەی پێوتم”.

رۆژی 3ی کانوونی دووەمی ئەمساڵ پاش لێکۆڵینەوەی ورد لە جووڵە و شوێنی جەنەڕاڵ قاسم سلێمانی، پاش دابەزینی لە فڕۆکەخانەی بەغدا لەلایەن فڕۆکەیەکی بێ فڕۆکەوانەوە کاروانی ئۆتۆمبێلەکانی کرایە ئامانج و تێیدا قاسم سلێمانی و ئەبو مەهدی موهەندیس سەرۆکی گشتی دەستەی حەشدی شەعبی و چەند پاسەوان و فەرماندەیەکی دیکە کوژران.

لە ئەنجامی هێرشەکە و دوای چەند رۆژێک ئێران بەچەند مووشەکێک بۆ سەر بنکە سەربازییەکانی ئەمریکا لە عێراق وەڵامی دایەوە بەبێ بوونی هیچ زیانێکی مرۆیی.

بەشی بکە لە
Previous Next
Close
Test Caption
Test Description goes like this