لێدوانی وەزیری پەروەردە لەبارەی دەستپێكردنەوەی پرۆسەی خوێندن

0
272

SNN-عەلی حەمە سەعید

وەزیری پەروەردەی حكومەتی هەرێم ئاماژە بەوە دەكات ئەو وادانەی كە باس لە كردنەوەی دەرگای قوتابخانە دەكەن هیچیان فەرمی نین بەڵكوو قسەی فەرمی و وادەی فەرمی بۆ كردنەوەی دەرگای قوتابخانەكان ئەو كاتە دەبێت كە لیژنەی باڵای ڕووبەڕووبوونەوەی كۆرۆنا بە ئێمەی دەدات ئەگەر پێویست بە درێژكردنەوەی زیاتر بدات ئێمە پابەند دەبین.

ئالان حەمە سەعید، وەزیری پەروەردەی حكومەتی هەرێم لە شاری هەڵەبجە و لە میانەی كردنەوەی قوتابخانەیەك كە لەلایەن خێرخوازێكی هەڵەبجەوە دروستكرابوو لە كۆنگرەیەكی ڕۆژنامەوانیدا ئاماژەی بەوەكرد، بنەمای سەرەكی بۆ بڕیاردان لەسەر دەستپێكردنەوەی پرۆسەی خویندن و كردنەوەی دەرگای قوتابخانەكان لەسەر بڕیاری لیژنەی باڵای ڕووبەڕوو بوونەوەی كۆرۆنا دەدرێت، ئێستا ئێمە لە حاڵەتی چاوەڕوانی و چاودێریكردنی بڵاوبوونەوەی جۆرە نوێیەكەی ڤایرۆسی كۆرۆناداین ئاخۆ تا چەند مەترسی هەیە بڵاو ببێتەوە، بۆیە لەو كاتەی بڕیاری داخستنی قوتابخانەكانمانداوە ڕێژەی توشبوون بە كۆرۆناش زۆر كەمیكردووە.

ئاماژەی بەوەشكرد: ئەو وادە و بەروارانەی دیاریدەكرێن بۆ دەستپێكردنەوەی خوێندن هیچیان فەرمی نین بەڵكوو قسەی فەرمی و وادەی فەرمی كردنەوەی دەرگای قوتابخانەكان ئەوكاتە دەبێت كە لیژنەی باڵای رووبەڕوو بوونەوەی كۆرۆنا بڕیاری كۆتایی خۆی دەدات و ڕێگە بە ئێمە دەدات دەرگای قوتابخانەكان بكەینەوە و دەستبكەینەوە بە پرۆسەی خوێندن لە هۆڵ و پۆلەكانی خوێندندا ، لە حاڵەتێكیشدا ئەگەر بڕیاری درێژكردنەوەی داخستنی قتابخانەكان دەربكرێت ئێمەش پێوەی پابەند دەبین.

هەر لەو كۆنگرە ڕۆژنامەوانییەدا وەزیری پەروەردە ئەوەشی خستەڕوو، بڕیاری داخستنی دەرگای قوتابخانەكان تەنها لە هەرێمی كوردستان نییە بەڵكوو لە زۆریك لە وڵاتانی دنیادا هێشتا داخستنی دەرگای قوتابخانەكان بەردەوامی هەیە بۆیە بڕیارەكەی ئێمەش پەیوەندی بە كارێكی مرۆڤانەوە هەیە و ناكرێت ڕیسك بە ژیانی مامۆستا و قوتابیانەوە بكەین بڕیارێكی هەڵە بدەین بە كردنەوەی قوتابخانەكان و دواتر پەشیمان ببینەوە جارێكی دیكە دایان بخەینەوە.

بەشی بکە لە
Previous Next
Close
Test Caption
Test Description goes like this